ଭୁବନେଶ୍ୱର(ଓଡ଼ିଶା ରିପୋର୍ଟର): କ୍ରିକେଟ୍ ଇତିହାସରେ ଏମିତି ଅନେକ କ୍ରିକେଟର ଅଛନ୍ତି ଯେଉଁମାନଙ୍କ ପୁଅ ତାଙ୍କ ବାପାଙ୍କୁ ଟପି ଯାଇଛନ୍ତି। ଏଭଳି ତାଲିକାରେ ଆଉ ଜଣେ ଉଦୟମାନ କ୍ରିକେଟର୍ଙ୍କ ନାଁ ଯୋଡିହୋଇଛି। ସେ ହେଲେ ଭାରତୀୟ କ୍ରିକେଟ ଦଳର ପୂର୍ବତନ ୱିକେଟ୍ କିପର ବ୍ୟାଟ୍ସମ୍ୟାନ୍ ନୟନ ମୋଙ୍ଗିଆଙ୍କ ପୁଅ ମୋହିତ ମୋଙ୍ଗିଆ। ମୋହିତ ଅଣ୍ଡର-୧୯ କ୍ରିକେଟ୍ ମ୍ୟାଚ୍ରେ ନିଜର ବ୍ୟାଟିଂ ଯାଦୁ ଦେଖାଇଛନ୍ତି। କୁଚ ବିହାର ଟ୍ରଫିରେ ବରୋଦା ଦଳର ଅଧିନାୟକତ୍ୱ କରିବା ସହ ସେ ୩୦ ବର୍ଷ ତଳର ତାଙ୍କ ବାପାଙ୍କ ସର୍ବାଧିକ ସ୍କୋରକୁ ପଛରେ ପକାଇଦେଇଛନ୍ତି।
ମୋହିତ ମୁମ୍ବାଇ ବିପକ୍ଷ ମ୍ୟାଚରେ ୨୪୬ ବଲରେ ୨୪୦ ରନର ପାଳି ଖେଳିଛନ୍ତି। କୁଚ ବିହାର ଟ୍ରଫିରେ ଏହା ହେଉଛି ସର୍ବାଧିକ ସ୍କୋର। ଏହାପୂର୍ବରୁ ୧୯୮୮ ମସିହାରେ ତାଙ୍କ ବାପା ନୟନ କେରଳ ବିପକ୍ଷରେ ସର୍ବାଧିକ ୨୨୪ ରନ କରିଥିଲେ। ନିଜ ପୁଅଙ୍କ ଦ୍ୱାରା ନିଜ ରେକର୍ଡ ଭାଙ୍ଗିଯାଇଥିବାରୁ ନୟନ ମୋଙ୍ଗିଆ ଖୁସି ଜାହିର କରିବା ସହ ମୋହିତଙ୍କୁ ପ୍ରଶଂସା କରିଛନ୍ତି। ଭାରତ ପକ୍ଷରୁ ନୟନ ମୋଙ୍ଗିଆ ୧୪୪ଟି ଦିନିକିଆ ଓ ୪୪ଟି ଟେଷ୍ଟ ମ୍ୟାଚ୍ ଖେଳିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
