ଦୁବାଇ: ଚଳିତ ଏସିଆ କପ୍ର ଫାଇନାଲ୍ ମ୍ୟାଚ୍ ଆଜି ଖେଳା ଯିବ। ଭାରତ ଓ ବାଂଲାଦେଶ ମଧ୍ୟରେ ଏହି ମ୍ୟାଚ୍ ଅପରାହ୍ନ ୫ଟାରେ ଦୁବାଇ ଅନ୍ତର୍ଜାତୀୟ କ୍ରିକେଟ୍ ଷ୍ଟାଡିୟମ୍ରେ ଏହି ମ୍ୟାଚ୍ ଖେଳାଯିବ।
ଚଳିତ କପ୍ରେ ଭାରତ କୌଣସି ମ୍ୟାଚ୍ ହାରି ନଥିବା ବେଳେ ପାକିସ୍ତାନକୁ ହରାଇ ବାଂଲାଦେଶ ଫାଇନାଲ୍ରେ ପହଞ୍ଚିଛି। ତେଣୁ ଦଳର ମନୋବଳ ଦୃଢ଼ ରହିଛି।
ଏମିତିରେ ଦେଖିବାକୁ ଗଲେ ଭାରତର ପଲ୍ଲା ଭାରି ରହିଛି। ବାଂଲାଦେଶ ବିପକ୍ଷରେ ଭାରତର ରେକର୍ଡ ଭଲ ଅଛି। ଦିନିକିଆରେ ବାଂଲାଦେଶ ବିପକ୍ଷରେ ଭାରତ ୨୮ଟି ମ୍ୟାଚ୍ ଜିତିଛି। ଅନ୍ୟପକ୍ଷରେ ବାଂଲାଦେଶ ମାତ୍ର ୫ ଥର ଭାରତକୁ ହରାଇଛି।
ଦୁଇ ଦେଶ ମଧ୍ୟରେ ଖେଳା ଯାଇଥିବା ଶେଷ ୧୦ଟି ଦିନିକିଆ ମ୍ୟାଚ୍ରୁ ଭାରତ ୭ଟିରେ ବିଜୟୀ ହୋଇଥିଲା। ଗୋଟିକର ଫଳାଫଳ ଆସି ନଥିଲା। ବାକି ଦୁଇଟିରେ ବାଂଲାଦେଶ ଜିତିଥିଲା।
ଏସିଆ କପ୍ରେ ବି ଭାରତର ଦବ୍ଦବା ରହିଛି। ଏହି କପ୍ରେ ଉଭୟ ଦିନିକିଆ ଓ ଟି-ଟ୍ୱେଣ୍ଟି ଫର୍ମାଟ୍ରେ ଉଭୟ ଦେଶ ୧୩ ଥର ମୁହାଁମୁହିଁ ହୋଇଛନ୍ତି। ଏଥିରୁ ୧୨ଟିରେ ଭାରତ ଜିତି ଥିବା ବେଳେ ଗୋଟିକରେ କୌଣସି ଫଳାଫଳ ଆସି ନଥିଲା। ସୂଚନାଯୋଗ୍ୟ, ୨୦୧୬ରେ ଏସିଆ କପ୍ ଟି-ଟ୍ୱେଣ୍ଟି ଫର୍ମାଟ୍ରେ ଖେଳା ଯାଇଥିଲା। ଏଥିରେ ବି ବାଂଲାଦେଶ ଫାଇନାଲ୍ରେ ଭାରତ ସହିତ ଖେଳିଥିଲା ଓ ହାରିଥିଲା।
ଏସବୁକୁ ଦେଖିଲେ ଲାଗୁଛି ଭାରତର ପଲ୍ଲା ଭାରି ଅଛି। ଏହା ଭାରତ ପାଇଁ ଏକ ସକାରାତ୍ମକ କଥା।
ତେବେ କ୍ରିକେଟ୍ ଏକ ଅନିଶ୍ଚିତତାର ଖେଳ। ଏଥିରେ କିଛି ବି ଘଟିପାରେ।
ଭାରତ ୬ ଥର ଏସିଆ କପ୍ ଜିତିଛି। ୩ ଥର ରନର୍ସ ଅପ୍ ହୋଇଛି। ଏଣୁ ସପ୍ତମ ଥର ପାଇଁ ଜିତି ଦଳ ତା’ର ରେକର୍ଡକୁ ଆହୁରି ଭଲ କରିବାକୁ ଚେଷ୍ଟା କରିବ। ଅନ୍ୟପକ୍ଷରେ ବାଂଲାଦେଶ ଗତଥରର ପରାଜୟର ପ୍ରତିଶୋଧ ନେବା ସହିତ ପ୍ରଥମ ଥର ପାଇଁ ଏହି କପ୍ ଜିତିବାକୁ ପୂରା ପ୍ରୟାସ କରିବ।
ଆହୁରି ପଢ଼ନ୍ତୁ: ଏସିଆ କପ୍ ଟାଇଟଲ୍ ପାଇଁ କୌଣସି ସୁଯୋଗ ହାତଛଡ଼ା କରିବନି ବାଂଲାଦେଶ
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
