ସର୍ବଭାରତୀୟ ସ୍କୁଲ ରଗବୀ ଚାମ୍ପିଅନସିପ୍ ଜିତି ଫେରିଲେ ଓଡ଼ିଶା ଛାତ୍ର, ଛାତ୍ରୀ ଟିମ୍

ଭୁବନେଶ୍ୱର: ସର୍ବଭାରତୀୟ ସ୍କୁଲ ରଗବୀ ଚାମ୍ପିଅନସିପରେ ଚମ୍ପିଆନ୍ ହୋଇ ଓଡ଼ିଶା ଫେରିଛନ୍ତି ଓଡ଼ିଶାର ଛାତ୍ର ଓ ଛାତ୍ରୀ ଟିମ୍। ଛତିଶଗଡର ଜଗଦଳପୁରରେ ଆୟୋଜିତ ଏହି ଜାତୀୟ ସ୍ତରୀୟ ପ୍ରତିଯୋଗିତାରେ ଓଡ଼ିଶାର ଛାତ୍ର ଟିମ୍ ମହାରାଷ୍ଟ୍ରକୁ ହରାଇ ଚାମ୍ପିଅନ୍ ହୋଇଥିଲା। ସେହିପରି ଛାତ୍ରୀ ଟିମ୍ ବିହାରକୁ ହରାଇ ଚାମ୍ପିଅନ୍ ହୋଇଥିଲା। ରାଜ୍ୟର ବିଭିନ୍ନ ଯୁକ୍ତଦୁଇ କଲେଜରୁ ୧୨ ଜଣିଆ ଛାତ୍ର ଓ ଛାତ୍ରୀ ଟିମ୍ ଛତିଶଗଡ଼ର ଜଗଦଳପୁର ଯାଇଥିଲେ। ଡିସେମ୍ବର ୨ରୁ ଏଂ ଚାମ୍ପିଅନସିପ୍ ଆରମ୍ଭ ହୋଇ ୫ ତାରିଖରେ ସରିଥିଲା। ଓଡିଶା ଫେରିବା ପରେ ଉଭୟ ଟିମକୁ ଭବ୍ୟ ସ୍ୱାଗତ କରାଯାଇଥିଲା।