ଅଲିମ୍ପିକରେ କ୍ରିକେଟକୁ ସାମିଲ କରାଯାଉ: ସଚୀନ ତେନ୍ଦୁଲକର

ଲଣ୍ଡନ: ଅଲିମ୍ପିକରେ କ୍ରିକେଟକୁ ସାମିଲ କରାଯିବା ଉଚିତ୍। ବିବିସି ୱାର୍ଲ୍ଡ ସର୍ଭିସକୁ ଦେଇଥିବା ଏକ ସାକ୍ଷାତକାରରେ ଏହି କଥା କହିଛନ୍ତି ଭାରର୍ତୀ ଦଳର ପୂର୍ବତନ ଅଧିନାୟକ ସଚୀନ ତେନ୍ଦୁଲକର।  ସେ କହିଛନ୍ତି ଯେ ଅଲିମ୍ପିକ୍ ପାଇଁ କ୍ରିକେଟର ଟି-ଟ୍ୱେଣ୍ଟି ଫର୍ମାଟ୍ ସବୁଠୁ ଫିଟ୍। କ୍ରିକେଟ୍ ବିଷୟରେ କିଛି ଜାଣି ନଥିବା ଲୋକେ ତଥା ଯେଉଁମାନେ ଏହାକୁ ଅଲିମ୍ପିକରେ ଦେଖିବାକୁ ଚାହୁଁଥିବା ଲୋକେ ଏହି ଫର୍ମାଟକୁ ସହଜରେ ଗ୍ରହଣ କରିପାରିବେ ବୋଲି ସେ ଆଶା କରୁଛନ୍ତି।

ସଚୀନ କହିଛନ୍ତି ଯେ ଟି-ଟ୍ୱେଣ୍ଟି ମ୍ୟାଚ୍ ମାତ୍ର ୩ ଘଣ୍ଟାରେ ଶେଷ ହୋଇଯାଉଛି। ତେଣୁ ସମୟ ସମସ୍ୟା ବି ନାହିଁ। ଜଣେ ମାତ୍ର ୩ ଘଣ୍ଟା ମ୍ୟାଚ୍ ଦେଖ ଘରକୁ ଫେରି ଆସିବ।

୧୯୯୦ରୁ ଅଲିମ୍ପିକରେ ଆଉ କ୍ରିକେଟକୁ ସ୍ଥାନିତ କରାଯାଉ ନାହିଁ। ତେବେ ଆସନ୍ତା ମାସରେ ଅନ୍ତର୍ଜାତୀୟ ଅଲିମ୍ପିକ୍ କମିଟି ସମ୍ମୁଖରେ ଏ ବିଷୟ ଉତଥାପନ କରିବ ଅନ୍ତର୍ଜାତୀୟ କ୍ରିକେଟ୍ ପରିଷଦ ବା ଆଇସିସି। ଅତୀତରେ ଆଇସିସି ନିଜ ଆଡୁ ହିଁ ଅଲିମ୍ପିକରେ ସାମିଲ ହେବାକୁ ଚାହୁଁ ନଥିଲା।