ପ୍ଲେ ଅଫରେ ରୋୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର

ବେଙ୍ଗଲୁରୁ: ପ୍ରବଳ ବର୍ଷା ଯୋଗୁ ରବିବାର ଅଧାରୁ ରୋୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଓ ଦିଲ୍ଲୀ ଡେୟାର ଡେଭିଲ୍ସର ମ୍ୟାଚକୁ ବାତିଲ କରି ଦିଆଯାଇଛି। ତେବେ ମହତ୍ତ୍ୱପୂର୍ଣ୍ଣ ଗୋଟିଏ ପଏଣ୍ଟ ସହିତ ପ୍ଲେ ଅଫ୍ ରାଉଣ୍ଡରେ ତୃତୀୟ ଦଳ ଭାବେ ସ୍ଥାନ ପାଇ ଯାଇଛି ବେଙ୍ଗଲୁରୁ। ପୂର୍ବରୁ ଚେନ୍ନାଇ ସୁପରକିଙ୍ଗ୍ସ ଓ ରାଜସ୍ଥାନ ରୋୟାଲ୍ସ ପ୍ଲେ ଅଫ୍ ରାଉଣ୍ଡରେ ପହଞ୍ଚି ସାରିଛନ୍ତି।

ଆଜି ଦିଲ୍ଲୀ ଡେୟାର ଡେଭିଲ୍ସ ପ୍ରଥମେ ବ୍ୟାଟିଂ କରି ୧୮୭ ରନ୍ ସଂଗ୍ରହ କରିଥିଲା। ପୂରା ୨୦ ଓଭର ଖେଳି ୫ ୱିକେଟ୍ ବିନିମୟରେ ଦଳ ଏହି ରନ୍ ସଂଗ୍ରହ କରିଥିଲା। ରୋୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଗୋଟିଏ ଓଭର ବ୍ୟାଟିଂ କରିଥିଲା। ଦିଲ୍ଲୀ ପକ୍ଷରୁ ଜୟନ୍ତ ଯାଦବ ପ୍ରଥମ ଓଭର ବୋଲିଂ କରିଥିଲେ। କ୍ରୀସ୍ ଗେଲ୍ ଓ ବିରାଟ କୋହଲି ଓପନିଂ କରିବା ଆସିଥିଲେ। ପ୍ରଥମ ଓଭରରେ ୨ ରନ୍ କରିଥିଲା ରୋୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର। ତା’ପରେ ଦ୍ୱିତୀୟ ଓଭର ବୋଲିଂ କରିବା ଆସିଥିଲେ ଜାହିର ଖାଁ। ସେ ପ୍ରଥମ ବଲଟି ପକାଇବା ପରେ ବର୍ଷ ଆରମ୍ଭ ହୋଇଯାଇଥିଲା। ତା’ପରେ ଆଉ କମି ନଥିଲା। ତେଣୁ ମ୍ୟାଚକୁ ବାତିଲ କରାଗଲା ଓ ଦୁଇ ଟିମକୁ ଗୋଟିଏ ଲେଖାଏଁ ପଏଣ୍ଟ ଦିଆଯାଇଥିଲା। ଗୋଟିଏ ପଏଣ୍ଟ ପାଇଁ ବାଙ୍ଗାଲୋର ଟିମ୍ ପ୍ଲେ ଅଫ୍ ରାଉଣ୍ଡରେ ପହଞ୍ଚି ଯାଇଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।