ନୂଆଦିଲ୍ଲୀ: ଟୋକିଓ ଅଲିମ୍ପିକ୍ସରେ ଭାରତ ସର୍ବଶ୍ରେଷ୍ଠ ପ୍ରଦର୍ଶନ କରି ୭ଟି ପଦକ ଜିତିଛି। ଅଲିମ୍ପିକ୍ସରେ ଭାରତୀୟ ଖେଳାଳିଙ୍କୁ ପ୍ରଶଂସା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ୭୫ତମ ସ୍ୱାଧୀନତା ଦିବସ ଅବସରରେ ପ୍ରଧାନମନ୍ତ୍ରୀ ଭାରତୀୟ ଖେଳାଳିଙ୍କୁ ପ୍ରଶଂସା କରି କହିଛନ୍ତି ଯେ ଏମାନେ ଆମର ହୃଦୟ ଜିତିନାହାନ୍ତି ବରଂ ଆଗାମୀ ପିଢିଙ୍କ ପାଇଁ ପ୍ରେରଣା ଦେଲା ଭଳି ବଡ଼ କାମ କରିଛନ୍ତି।
ସ୍ୱାଧୀନତା ଦିବସରେ ଅଭିଭାଷଣରେ ମୋଦି କହିଛନ୍ତି, ଅଲିମ୍ପିକ୍ସରେ ଭାରତର ନାମକୁ ଗୌରବାନ୍ୱିତ କରିଥିବା ଯୁବ ପିଢି ଆଜି ଆମର ଏହି ଆୟୋଜନରେ ଉପସ୍ଥିତ ଅଛନ୍ତି। କିଛି ଏଠାରେ ଅଛନ୍ତି ଏବଂ କିଛି ସାମ୍ନାରେ ବସିଛନ୍ତି। ଆଜିର ଏହି ପବିତ୍ର ଦିବସ ଅବସରରେ ମୁଁ ଦେଶବାସୀଙ୍କୁ, ଯିଏ ଏଠାରେ ଉପସ୍ଥିତ ଅଛନ୍ତି ଏବଂ ହିନ୍ଦୁସ୍ତାନର କୋଣ ଅନୁକୋଣରୁ ଯେଉଁମାନେ ଏହି ସମାରୋହରେ ଯୋଗ ଦେଇଛନ୍ତି, ସମସ୍ତଙ୍କୁ କହିବାକୁ ଚାହୁଁଛି ଯେ ଆମ ଖେଳାଳିମାନଙ୍କ ପାଇଁ କିଛି ମୁହୂର୍ତ୍ତ ପାଇଁ କରତାଳି ମାରି ସେମାନଙ୍କୁ ସମ୍ମାନିତ କରିବା।
https://twitter.com/Media_SAI/status/1426716256728608770?s=20
ପ୍ରଧାନମନ୍ତ୍ରୀ କହିଛନ୍ତି, ଭାରତରେ କ୍ରୀଡ଼ାର ସମ୍ମାନ ଅର୍ଥାତ୍ ଭାରତର ଯୁବ ପିଢିର ସମ୍ମାନ। ଆଜି କୋଟି କୋଟି ଦେଶବାସୀ କରତାଳି ସହ ଦେଶର ଏହି ଯୁବପିଢିଙ୍କୁ ସମ୍ମାନିତ କରୁଛନ୍ତି। ଆମ ଖେଳାଳିମାନେ ଯୁବ ବର୍ଗକୁ ପ୍ରେରିତ କରିବା ପାଇଁ ବହୁତ ବଡ଼ କାମ କରିଛନ୍ତି। ଏମାନଙ୍କୁ ଠାରୁ ପ୍ରେରଣା ପାଇଁ ଅନେକ ଯୁବବର୍ଗ ଆଗାମୀ ଦିନରେ ଅଲିମ୍ପିକ୍ସରେ ଭାରତର ପ୍ରତିନିଧତ୍ୱ କରିବେ।KEFT
ସୂଚନାଯୋଗ୍ୟ, ଟୋକିଓ ଅଲିମ୍ପିକ୍ସରେ ନୀରଜ ଚୋପ୍ରା ଇତିହାସ ରଚି ଜାଭେଲିନ୍ ଥ୍ରୋ'ରେ ସ୍ୱର୍ଣ୍ଣ ପଦକ ଜିତି ଆଥଲେଟିକ୍ସରେ ଭାରତକୁ ପ୍ରଥମ ପଦକ ଦେଇଛନ୍ତି। ତାଙ୍କ ବ୍ୟତୀତ ଭାରତୀୟ ପୁରୁଷ ହକି ଟିମ୍ ୧୯୮୦ ମସ୍କୋ ପରେ ପ୍ରଥମଥର ପଦକ ଜିତିଥିଲା। ଭାରୋତ୍ତୋଳନରେ ମୀରାବାଈ ଚାନୁ ଏବଂ ରେସଲର୍ ରବି ଦହିୟା ରୌପ୍ୟ ପଦକ ଜିତିଥିବା ବେଳେ ବ୍ୟାଡମିଣ୍ଟନରେ ପିଭି ସିନ୍ଧୁ, ରେସଲିଂରେ ବଜରଙ୍ଗ ପୁନିଆ ଓ ବକ୍ସିଂରେ ଲଭଲିନା ବୋର୍ଗୋହେନ୍ ବ୍ରୋଞ୍ଜ ପଦକ ଜିତିଛନ୍ତି।