ନୂଆଦିଲ୍ଲୀ: ଲଗାତାର ଭଲ ଫର୍ମରେ ଥିବା ଭାରତୀୟ ଟେନିସ୍ ଷ୍ଟାର ପ୍ରଜନେଶ ଗୁଣେଶ୍ୱରନ୍ ଏଟିପି ରାଙ୍କିଙ୍ଗରେ କ୍ୟାରିୟରର ସର୍ବଶ୍ରେଷ୍ଠ ସ୍ଥାନ ହାସଲ କରିଛନ୍ତି। ସୋମବାର ଏଟିପି ପକ୍ଷରୁ ଜାରି ରାଙ୍କିଙ୍ଗରେ ଗୁଣେଶ୍ୱରନ୍ ୮୦ତମ ସ୍ଥାନ ହାସଲ କରିଛନ୍ତି।
ଚଳିତ ବର୍ଷ ଫେବୃଆରୀରେ ଟପ-୧୦୦ରେ ପ୍ରବେଶ କରିଥିବା ୨୯ ବର୍ଷୀୟ ଚେନ୍ନାଇ ତାରକା ଲଗାତାର ରାଙ୍କିଙ୍ଗରେ ଉନ୍ନତି ଆଣିଛନ୍ତି। ନିକଟରେ ଗୁଣେଶ୍ୱରନ୍ ନିଜର ପ୍ରଥମ ଏଟିପି ମାଷ୍ଟର୍ସ ଯଥା ଇଣ୍ଡିଆନ୍ ୱେଲ୍ସରେ ଭଲ ପ୍ରଦର୍ଶନ କରି ତୃତୀୟ ରାଉଣ୍ଡରେ ପ୍ରବେଶ କରିଥିଲେ।
ଏହା ପରେ ସେ ଏଟିପି-୧୦୦୦ ଟୁର୍ଣ୍ଣାମେଣ୍ଟ ଯଥା ବିଏନପି ପରିବାସ ଓପନର ମଧ୍ୟ ତୃତୀୟ ରାଉଣ୍ଡରେ ସ୍ଥାନ ହାସଲ କରିଥିଲେ। ଗତମାସରେ ମିଆମି ଓପନର ମୁଖ୍ୟ ରାଉଣ୍ଡରେ ପ୍ରବେଶ କରି ସେ ୮୧ତମ ସ୍ଥାନକୁ ଉଠିଥିଲେ। ଭାରତର ଅନ୍ୟତମ ତାରକା ରାମକୁମାର ରାମନାଥନ୍ ୧୬ଟି ସ୍ଥାନ ଖସି ଟପ୍-୧୫୦ରୁ ବାଦ୍ ପଡ଼ିଛନ୍ତି। ସେ ବର୍ତ୍ତମାନ ୧୫୭ତମ ସ୍ଥାନରେ ଅଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
