ଭୁବନେଶ୍ୱର (ଓଡ଼ିଶା ରିପୋର୍ଟର): ଓଡ଼ିଶାର ତାରକା ଶଟଲର୍ ପ୍ରମୋଦ ଭଗତ ଚଳିତ ଡେନମାର୍କ ପାରା-ବ୍ୟାଡମିଣ୍ଟନ୍ ଇଣ୍ଟରନ୍ୟାଶନାଲ୍ ଟୁର୍ଣ୍ଣାମେଣ୍ଟରେ ବିଜୟଧାରା ଅବ୍ୟାହତ ରଖିଛନ୍ତି। ଗତକାଲି ସିଙ୍ଗଲ୍ସ ଦ୍ୱିତୀୟ ରାଉଣ୍ଡରେ ପ୍ରବେଶ କରିଥିବା ପ୍ରମୋଦ ଆଜି ଡବଲ୍ସର କ୍ୱାର୍ଟରଫାଇନାଲରେ ପହଞ୍ଚିଛନ୍ତି।
ବୁଧବାର ଖେଳାଯାଇଥିବା ଡବଲ୍ସ ପ୍ରଥମ ରାଉଣ୍ଡରେ ପ୍ରମୋଦ ଓ ମନୋଜ ସରକାର ପେରୁର ପେଡ୍ରୋ ଭିନାଟି ଓ ବ୍ରାଜିଲର ରୋଜେରିଓ ଓଲିଭେରାଙ୍କୁ ୨୧-୧୪, ୨୪-୨୨ ଗେମରେ ପରାସ୍ତ କରିଛନ୍ତି। ଏହା ପରେ ଦ୍ୱିତୀୟ ରାଉଣ୍ଡରେ ଭାରତୀୟ ଯୋଡ଼ି ପ୍ରମୋଦ ଓ ମନୋଜ ୧୯-୨୧, ୨୧-୯, ୨୧-୧୮ ଗେମରେ ଫ୍ରାନ୍ସର ଟେଡି ଫେରାଜା ଓ ମାଥ୍ୟୁ ଥୋମାସଙ୍କୁ ହରାଇ କ୍ୱାର୍ଟରରେ ପ୍ରବେଶ କରିଛନ୍ତି। ଆସନ୍ତାକାଲି ପ୍ରମୋଦ ସିଙ୍ଗଲ୍ସର ଦ୍ୱିତୀୟ ରାଉଣ୍ଡ ଏବଂ ଡବଲ୍ସ କ୍ୱାର୍ଟରଫାଇନାଲ୍ ମୁକାବିଲା ଖେଳିବେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
