ପୂର୍ବତନ କ୍ରିକେଟରଙ୍କୁ ବିସିସିଆଇର ଏକକାଳୀନ ସହାୟତା ଯୋଜନା: ଓଡିଶାରୁ ଦେବାଶିଷ, ଶିବସୁନ୍ଦର ଓ ସଞ୍ଜୟ ସାମିଲ

ଭୁବନେଶ୍ୱର: ଅର୍ନ୍ତଜାତୀୟ ଟେଷ୍ଟ ଏବଂ ପ୍ରଥମ ଶ୍ରେଣୀ କ୍ରିକେଟ୍ ଖେଳିଥିବା ପୂର୍ବ କ୍ରିକେଟରଙ୍କୁ ବିସିସିଆଇ ପ୍ରଦାନ କରିବ ଅର୍ଥରାଶି। ବିସିସିଆଇ ଘୋଷଣ କରିଥିବା ୱାନ୍ ଟାଇମ୍ ବେନିଫିଟ୍ ସ୍କିମରେ ଏହି ଅର୍ଥ ପ୍ରଦାନ କରାଯିବ। ଏଥିରେ ସ୍କିମରେ ୨୦୦ଜଣ ପୂର୍ବତନ କ୍ରିକେଟରଙ୍କୁ ସାମିଲ କରାଯାଇଛି। ଓଡ଼ିଶାରୁ ୩ଜଣ ଅନ୍ତର୍ଜାତୀୟ ଖେଳାଳିଙ୍କୁ ଏହି ସ୍କିମରେ ସାମିଲ କରାଯାଇଛି।  ସେମାନେ ହେଲେ ପୂର୍ବତନ କ୍ରିକେଟର ଦେବାଶିଷ ମହାନ୍ତି, ଶିବସୁନ୍ଦର ଦାସ ଏବଂ ସଞ୍ଜୟ ରାଉଳ।

ସ୍କିମରେ ନିୟମ ଅନୁଯାୟୀ, ଦେବାଶିଷ ଏବଂ ଶିବଶୁନ୍ଦରଙ୍କୁ ୫୦ଲକ୍ଷ ଅର୍ଥରାଶି ପ୍ରଦାନ କିରାଯିବ। ଅନ୍ୟତମ ଖେଳାଳି ସଞ୍ଜୟ ରାଉଳଙ୍କୁ ୨୫ଲକ୍ଷ ଟଙ୍କା ପ୍ରଦାନ କରାଯିବ। ନିୟମ ଅନୁଯାୟୀ ଶହେରୁ ଅଧିକ ଟେଷ୍ଟ ମ୍ୟାଚ୍ ଖେଳିଥିବା ଖେଳାଳିକୁ ମିଳିବ ଦେଢ଼ କୋଟି ଟଙ୍କାର ଅର୍ଥରାଶି। ଏହି ଯୋଜନାରେ ବିସିସିଆଇ ୨୦୦ଜଣ କ୍ରିକେଟରଙ୍କୁ ୯୧କୋଟି ୩୫ ଲକ୍ଷ ଟଙ୍କା ପ୍ରଦାନ କରିବ।