ନୂଆଦିଲ୍ଲୀ: ବାସ୍କେଟବଲର ଅନ୍ୟତମ ମହାନ୍ ଖେଳାଳି କୋବ୍ ବ୍ରାୟଣ୍ଟଙ୍କ ପରଲୋକରେ କ୍ରୀଡ଼ା ଜଗତରେ ଶୋକର ଛାୟା ଖେଳିଯାଇଛି। ଟିମ୍ ଇଣ୍ଡିଆ କ୍ୟାପଟେନ୍ ବିରାଟ୍ କୋହଲିଙ୍କଠାରୁ ଆରମ୍ଭ କରି ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର, ରୋହିତ୍ ଶର୍ମା ବ୍ରାୟଣ୍ଟଙ୍କ ପରଲୋକରେ ଶୋକ ପ୍ରକାଶ କରିଛନ୍ତି।
କୋହଲି ନିଜ ଇନଷ୍ଟାଗ୍ରାମ ପେଜରେ ଲେଖିଛନ୍ତି, "ଆଜି ଏହି ଖବର ଶୁଣି ବହୁତ ଦୁଃଖ ଲାଗିଲା। ପିଲାଦିନର ଅନେକ ସ୍ମୃତି ଏବେ ତାଜା ହୋଇଯାଇଛି। ସକାଳୁ ଶୀଘ୍ର ଉଠି ତାଙ୍କ (କୋବ)ର ଯାଦୁକରୀ ଦେଖିବା, ଯଦ୍ଦ୍ୱାରା ମନ ମନ୍ତ୍ରମୁଗ୍ଧ ହୋଇଯାଉଥିଲା। ଜୀବନ କେବେ ଅପ୍ରତ୍ୟାଶିତ ଏବଂ ଅସ୍ଥିର, ତାହା ଜାଣିବାକୁ ପାଇଲି। ଦୁର୍ଘଟଣାରେ ତାଙ୍କ ଝିଅ ଗିଆନାଙ୍କର ମଧ୍ୟ ପରଲୋକ ହୋଇଛି। ମୁଁ ଏଥିରେ ବହୁତ ଆହତ ହୋଇଛି। ଭଗବାନ ତାଙ୍କ ଆତ୍ମାକୁ ଶାନ୍ତି ପ୍ରଦାନ କରନ୍ତୁ ଏବଂ ତାଙ୍କ ପରିବାରକୁ ଗଭୀର ସମବେଦନା ଜଣାଉଛି।"
Saddened to hear about the tragic demise of Kobe Bryant, his daughter Gianna & others on-board the helicopter.
My condolences to his family, friends and fans across the world. #KobeBryant pic.twitter.com/N8B4Tcr4KU— Sachin Tendulkar (@sachin_rt) January 27, 2020
ସେହିପରି ସଚିନ ତେନ୍ଦୁଲକର ଲେଖିଛନ୍ତି, "କୋବ ବ୍ରାୟଣ୍ଟ ଏବଂ ତାଙ୍କ ଝିଅ ଗିଆନା ଏବଂ ହେଲିକପ୍ଟରରେ ଥିବା ଅନ୍ୟ ଲୋକଙ୍କର ଏଭଳି ଏକ ଆକସ୍ମିତ ମୃତ୍ୟୁରେ ମୁଁ ଦୁଃଖିତ। ତାଙ୍କ ପରିବାର, ବନ୍ଧୁ ଏବଂ ସାରା ବିଶ୍ୱରେ ଥିବା ତାଙ୍କ ପ୍ରଶଂସକଙ୍କ ପ୍ରତି ମୋର ଗଭୀର ସମବେଦନା।"
ଟିମ୍ ଇଣ୍ଡିଆର ଓପନିଂ ବ୍ୟାଟ୍ସମ୍ୟାନ୍ ରୋହିତ୍ ଶର୍ମା କହିଛନ୍ତି, "କ୍ରୀଡ଼ା ଜଗତ ପାଇଁ ଆଜି ଏକ ଦୁଃଖର ଦିନ। କ୍ରୀଡ଼ା ଦୁନିଆର ମହାନତମ ଖେଳାଳି ଏତେ ଶୀଘ୍ର ଅଲବିଦା କହିଦେଲେ। କୋବ୍ ବ୍ରାୟଣ୍ଟ ଏବଂ ତାଙ୍କ ଝିଅ ଏବଂ ଦୁର୍ଘଟଣାରେ ପ୍ରାଣ ହରାଇଥିବା ସମସ୍ତଙ୍କୁ ଲୋକଙ୍କୁ ମୋର ଗଭୀର ଶ୍ରଦ୍ଧାଞ୍ଜଳି।"
So sad to hear the heartbreaking news of the deaths of Kobe and his daughter Gianna. Kobe was a true legend and inspiration to so many. Sending my condolences to his family and friends and the families of all who lost their lives in the crash. RIP Legend💔 pic.twitter.com/qKb3oiDHxH
— Cristiano Ronaldo (@Cristiano) January 26, 2020
ଅନ୍ୟମାନଙ୍କ ମଧ୍ୟରେ କିମ୍ବଦନ୍ତୀ ଫୁଟବଲର କ୍ରିଷ୍ଟିଆନୋ ରୋନାଲ୍ଡୋ, ୱେଷ୍ଟଇଣ୍ଡିଜର ମହାନ ବ୍ୟାଟ୍ସମ୍ୟାନ୍ ସାର୍ ଭିଭିଆନ୍ ରିଡାର୍ଡ୍ସ, ଭାରତୀୟ ସ୍ପିନର ରବିଚନ୍ଦ୍ରନ୍ ଅଶ୍ୱିନ୍, ଶ୍ରୀଲଙ୍କାର ପୂର୍ବତନ କ୍ୟାପଟେନ୍ ମାହେଲା ଜୟବର୍ଦ୍ଧନେ, ବଲିଉଡ୍ ଷ୍ଟାର୍ ରଣବୀର ସିଂହ, ଅଭିଷେକ ବଚ୍ଚନ, ଲାରା ଦତ୍ତ ଭୂପତି, ଅର୍ଜୁନ କପୁର ମଧ୍ୟ ସୋଶାଲ ମିଡିଆରେ ବ୍ରାୟଣ୍ଟ ପରଲୋକରେ ଶୋକ ପ୍ରକାଶ କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
