ଗୌହାଟି: ଭାରତର ମାରାଥାନ୍ ରନର କବିତା ରାଉତ ରିଓ ଅଲିମ୍ପିକ୍ ପାଇଁ ଯୋଗ୍ୟତା ଅର୍ଜନ କରିଛନ୍ତି। ୧୨ତମ ସାଉଥ୍ ଏସିଆନ୍ ଗେମ୍ସର ମହିଳା ମାରାଥନ୍ରେ ଶୁକ୍ରବାର ସ୍ୱର୍ଣ୍ଣ ପଦକ ଜିତିବା ପରେ ସେ ୨୦୧୬ ରିଓ ଅଲିମ୍ପିକ୍ ପାଇଁ ଟିକେଟ୍ ପାଇଛନ୍ତି। ୩୦ ବର୍ଷିୟ କବିତା ୨ ଘଣ୍ଟା ୩୮ ମିନିଟ୍ ଓ ୩୮ ସେକେଣ୍ଡରେ ଲକ୍ଷ୍ୟ ଦୂରତା ଅତିକ୍ରମ କରି ଆଜି ସ୍ୱର୍ଣ୍ଣ ପଦକ ହାସଲ କରିଥିଲେ। ଏହା ସହିତ ରିଓ ଅଲିମ୍ପିକ୍ର ମହିଳା ମାରାଥନ୍ ବର୍ଗ ପାଇଁ ଯୋଗତା ହାସଲ କରିବାରେ ସେ ବନି ଯାଇଛନ୍ତି ଚତୁର୍ଥ ଭାରତୀୟ ମହିଳା। ତାଙ୍କ ପୂର୍ବରୁ ଏହି ବର୍ଗ ପାଇଁ ଓପି ଜୈଶା, ଲଲିତା ବାବର ଓ ସୁଧା ସିଂହ ଯୋଗ୍ୟତା ଅର୍ଜନ କରିସାରିଛନ୍ତି।
ଆଜି ମହିଳା ମାରାଥନ୍ରେ କବିତା ସ୍ୱର୍ଣ୍ଣ ପଦକ ଜିତିଥିବା ବେଳେ ଶ୍ରୀଲଙ୍କାର ଏନ.ଜି. ରାଜଶେକରା (୨:୫୦:୪୭:୦୦) ଓ ବି.ଅନୁରାଧୀ(୨:୫୨:୧୫:୦୦) ରେ ଯଥାକ୍ରମେ ରୌପ୍ୟ ଓ ବ୍ରୋଞ୍ଜ ପଦକ ଜିତିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
