ସାଗ୍‌-୨୦୧୬: ସ୍କ୍ୱାସ୍‌ରେ ଜ୍ୟୋତ୍ସ୍ନା ଚିନାପ୍ପା ସ୍ୱର୍ଣ୍ଣ

ଗୌହାଟି: ଶନିବାରଠାରୁ ଗୌହାଟିରେ ଆରମ୍ଭ ହୋଇଥିବା ୧୨ତମ ସାଉଥ୍ ଏସିଆନ୍ ଗେମ୍ସରେ ଭାରତର ସ୍ୱର୍ଣ୍ଣ ପଦକ ଅକ୍ତିଆର ଅଭିଯାନ ଜାରି ରହିଛି। ଆଜି ଭାରତର ଷ୍ଟାର୍ ଖେଳାଳି ଜ୍ୟୋତ୍ସ୍ନା ଚିନାପ୍ପା ମହିଳା ସ୍କ୍ୱାସ୍‌ର ବ୍ୟକ୍ତିଗତ ବର୍ଗରେ ସ୍ୱର୍ଣ୍ଣ ପଦକ ହାତେଇଛନ୍ତି। ସେ ପାକିସ୍ତାନର ମାରିଆ ତୂରପାକି ୱାଜିରଙ୍କୁ ହରାଇ ସ୍ୱର୍ଣ୍ଣ ପଦକ ହାସଲ କରିଛନ୍ତି। ଚିନାପ୍ପା ୧୦-୧୨, ୧୧-୭, ୧୧-୯ ଓ ୧୧-୭ରେ ମାରିଆଙ୍କୁ ହରାଇ ଥିଲେ।

ଏହା ସହିତ ଚଳିତ ସାଉଥ୍ ଏସିଆନ୍ ଗେମ୍ସରେ ସ୍କ୍ୱାସ୍‌ରେ ଭାରତ ଏଯାବତ ୩ଟି ମେଡାଲ୍ ଜିତି ସାରିଲାଣି। ଗତକାଲି ସୌରଭ ଘୋଷାଲ ଓ ହରିନ୍ଦର ପଲ୍ ସିଂହ ଯଥାକ୍ରମେ ଗୋଟିଏ ଲେଖାଏଁ ବ୍ରୋଞ୍ଜ୍ ପଦକ ଜିତି ଥିଲେ।