ନୂଆଦିଲ୍ଲୀ: ଜାପାନର ଜାକାର୍ତାରେ ଗତକାଲି ବିଶ୍ୱ ବ୍ୟାଡମିଣ୍ଟନ୍ ଚମ୍ପିଅନସିପରେ ରୌପ୍ୟ ପଦକ ଜିତିଥିବା ସାଇନା ନେହୱାଲଙ୍କୁ ସୋମବାର ଶୁଭେଚ୍ଛା ଜଣାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ୟୁଏଇ ଗସ୍ତରେ ଥିବା ମୋଦି ଟ୍ୱିଟ୍ କରି ଶୁଭେଚ୍ଛା ଜଣାଇଛନ୍ତି ଏହି ବ୍ୟାଡମିଣ୍ଟନ ତାରକାଙ୍କୁ। ସେ ଲେଖିଛନ୍ତି, ସାଇନାଙ୍କ ସଫଳତା ପ୍ରେରଣାଦାୟୀ।
ବିଶ୍ୱର ୨ ନମ୍ବର ମହିଳା ବ୍ୟାଡମିଣ୍ଟନ ତାରକା ସାଇନା ଗତ କାଲି ବିଶ୍ୱବ୍ୟାଡମିଣ୍ଟନ ଚାମ୍ପିଅନସିପରେ ସ୍ପେନର କାରୋଲିନା ମାରିନଙ୍କ ଠାରୁ ହାରି ଯାଇଥିଲେ। ତେବେ ବିଶ୍ୱ ବ୍ୟାଡମିଣ୍ଟନ ଚାମ୍ପିଅନସିପର ଫାଇନାଲରେ ଖେଳି ଦୁଇଟି ରେକର୍ଡ ସ୍ଥାପନ କରିଛନ୍ତି ସାଇନା। ପ୍ରଥମଟି ହେଉଛି- ବିଶ୍ୱବ୍ୟାଡମିଣ୍ଟନ ଚାମ୍ପଅନସିପର ଫାଇନାଲରେ ପହଞ୍ଚିବାରେ ସେ ହେଉଛନ୍ତି ପ୍ରଥମ ଭାରତୀୟ । ଦ୍ୱିତୀୟ- ଫାଇନାଲରେ ହାରିଯାଇଥିଲେ ବି ରୌପ୍ୟ ପଦକ ପାଇଥିଲେ ସାଇନା। ବିଶ୍ୱ ବ୍ୟାଡମିଣ୍ଟନ ଚାମ୍ପିଅନସିପରେ ରୌପ୍ୟପଦକ ପାଇବାରେ ବି ସେ ବନି ଯାଇଛନ୍ତି ପ୍ରଥମ ଭାରତୀୟ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
