ପାକିସ୍ତାନ ଫ୍ୟାନଙ୍କ ଉପରେ ସାମିଙ୍କ କ୍ରୋଧ, ଧୋନି କଲେ ମଧ୍ୟସ୍ତତା

ଭାରତକୁ ହରାଇ ଗତକାଲି ଚାମ୍ପିୟନ୍ସ ଟ୍ରଫି ଚାମ୍ପିୟନ ହୋଇଛି ପାକିସ୍ତାନ। ମ୍ୟାଚରେ ଲଜ୍ୟାଜନକ ପରାଜୟ ପରେ ଭାରତୀୟ ଖେଳାଳି ଡ୍ରେସିଂ ରୁମକୁ ଫେରୁଥିବା ସମୟରେ  ଜଣେ ପାକିସ୍ତାନୀ ଫ୍ୟାନ ‘ଅବ୍ ବାପ୍ କୌନ୍ ହୈ’ କହି କମେଣ୍ଟ କରିଥିଲେ। ତାଙ୍କର ଏହି କମେଣ୍ଟରେ ଭାରତୀୟ ବୋଲର ମହମ୍ମଦ ସାମୀ ରାଗି ଯାଇଥିଲେ। ସାମୀ ରାଗରେ ଗରଗର ହୋଇ ସେ ବ୍ୟକ୍ତିଙ୍କ ପାଖକୁ ଯାଉଥିବା ବେଳେ ଧୋନି ତାଙ୍କୁ ବୁଝାଶୁଝା କରି ଡ୍ରେସିଂ ରୁମ୍‌କୁ ନେଇ ଯାଇଥିଲେ। (ଭିଡିଓ ଦେଖନ୍ତୁ)

ଚାମ୍ପିୟନ୍ସ ଟ୍ରଫିରେ ଏହା ଥିଲା ପାକିସ୍ତାନର ପ୍ରଥମ ସଫଳତା। ଏହା ପୂର୍ବରୁ ପାକିସ୍ତାନ ଟିମ୍‌ ସେମିଫାଇନାଲକୁ ମଧ୍ୟ ଯାଇ ନ ଥିଲା। ଚାମ୍ପିୟନ୍ସ ଟ୍ରଫିରେ ପ୍ରଥମ ସଫଳତା ଓ ତା ପୁଣି ଭାରତକୁ ହରାଇ ମିଳିଥିବାରୁ ପୂରା ବିଭୋର ହୋଇପଡିଥିଲା ପାକିସ୍ତାନ।

ସୂଚନାଯୋଗ୍ୟ, ଗତକାଲି ଫାଦର୍ସ ଡେ’ ଥିବାରୁ ଅନେକ ଭାରତୀୟ ଫ୍ୟାନ ଭାରତକୁ ବାପ ଓ ପାକିସ୍ତାନକୁ ପୁଅ ସହ ତୁଳନା କରିଥିଲେ। ପାକିସ୍ତାନ ପରାଜିତ ହୋଇ ବାପାକୁ ଉପହାର ଦେବ ବୋଲି ଅନେକ ଟ୍ୱିଟ୍‌ କରିଥିଲେ। କିନ୍ତୁ ମ୍ୟାଚ୍‌ର ଫଳାଫଳ ଆସିଥିଲା ଓଲଟା।