ସାନିଆ ମିର୍ଜା ମା’ ହେଲେ

ନୂଆଦିଲ୍ଲୀ: ଭାରତୀୟ ଟେନିସ୍‌ କୁଇନ୍‌ ସାନିଆ ମିର୍ଜା ମା’ ହୋଇଛନ୍ତି। ସେ ଏକ ପୁତ୍ର ସନ୍ତାନକୁ ଜନ୍ମ ଦେଇଛନ୍ତି।

ଏନେଇ ସାନିଆଙ୍କ ସ୍ୱାମୀ ତଥା ପାକିସ୍ତାନୀ କ୍ରିକେଟର୍‌ ଶୋଏବ ମଲିକ ମଙ୍ଗଳବାର ସକାଳେ ସୂଚନା ଦେଇଛନ୍ତି। ସେ ତାଙ୍କ ଟ୍ୱିଟ୍‌ର ପେଜ୍‌ରେ ଲେଖିଛନ୍ତି- ଉଭୟ ମାଆ ଓ ଛୁଆ ସୁସ୍ଥ ଅଛନ୍ତି।

ଏ ଖବର ପାଇବା ପରେ ସାନିଆଙ୍କୁ ତାଙ୍କ ଫ୍ୟାନ୍‌ମାନେ ସୋଶାଲ୍ ମିଡିଆରେ ଶୁଭେଚ୍ଛା ଜଣାଇଛନ୍ତି।

ଗର୍ଭବତୀ ଥିବା ନେଇ ସାନିଆ ମିର୍ଜା ସୋଶାଲ ମିଡିଆରେ ଖବର ଶେୟାର କରିଥିଲେ। ଏହି ସମୟରେ ସେ Babymirzamalik ହ୍ୟାସଟ୍ୟାଗ୍ (#) ବ୍ୟବହାର କରିଥିଲେ। ସେ କହିଥିଲେ,“ମୋ ଛୁଆର ସରନେମ୍‌ ମିର୍ଜା ମଲିକ’ ରହିବ।”

ସୂଚନାଯୋଗ୍ୟ, ସାନିଆ ମିର୍ଜା ୨୦୧୦ରେ ପାକିସ୍ତାନୀ କ୍ରିକେଟର୍‌ ଶୋଏବ ମଲିକଙ୍କୁ ବିବାହ କରିଥିଲେ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।