ସାନିଆ-ହିଙ୍ଗିସ ଜିତିଲେ ଗୁଆଙ୍ଗଝୁ ଓପନ୍

sania-hingisଗୁଆଙ୍ଗଝୁ: ଭାରତ-ସ୍ୱିସ୍ ଯୋଡ଼ି ସାନିଆ ମିର୍ଜା ଓ ମାର୍ଟିନା ହିଙ୍ଗିସ ଗୁଆଙ୍ଗଝୁ ଓପନ ଫାଇନାଲରେ ବିଜୟୀ ହୋଇଛନ୍ତି। ଏହି ବିଜୟ ସହ ସାନିଆ ଓ ହିଙ୍ଗିସ୍ ଯୋଡ଼ି ଚଳିତ ବର୍ଷ ଷଷ୍ଠତମ ମହିଳା ଡବଲ୍ସ ଟାଇଟେଲ ହାସଲ କରିଛନ୍ତି। ଏଥିରେ ରହିଛି ୱିମ୍ବଲଡନ ଓ ୟୁଏସ ଓପନ ପରି ବହୁ ଗୁରୁତ୍ୱପୂର୍ଣ୍ଣ ଗ୍ରାଣ୍ଡସ୍ଲାମ୍।

ଆଜି ସାନିଆ ଓ ହିଙ୍ଗିସ୍ ଯୋଡ଼ି ୬-୩, ୬-୧ରେ ଚୀନ୍ ଯୋଡି ଶିଲୀନ୍ ଜୁ ଓ ଜିଓଦି ୟୁଙ୍କୁ ପରାସ୍ତ କରିଛନ୍ତି। ଏହି ବିଜୟ ସହ ଚଳିତ ବର୍ଷ ରେକର୍ଡ ସ୍ଥାପନ କରିଛନ୍ତି ଏହି ସଫଳ ଯୋଡି।

ଶୁକ୍ରବାର ଟପ୍ ଟିଡ ସାନିଆ-ହିଙ୍ଗିସ ଯୋଡି ୧ ଘଣ୍ଟା ୧୨ ମିନିଟରେ ଇସ୍ରାଇଲ-ସ୍ୱିଡେନ୍ ଯୋଡି ଜୁଲିଆ ଗ୍ଲସକୋ ଓ ରେବେକ୍କା ପିଟରସନଙ୍କୁ ୬-୩, ୬-୪ ସେଟରେ ପରାସ୍ତ କରି ଫାଇନାଲକୁ ପ୍ରବେଶ କରିଥିଲେ।

ସାନିଆ ଓ ହିଙ୍ଗିସ୍ ଡବ୍ଲୁଟିଏ ଟାଇଟଲ୍ ଜିତି ଚଳିତ ସିଜିନକୁ ଶେଷ କରିବାକୁ ଚେଷ୍ଟା କରିବେ ବୋଲି ଆଶା କରାଯାଉଛି।