ପୁଣେ: ୱିକେଟକିପର ବ୍ୟାଟ୍ସମ୍ୟାନ୍ ସଞ୍ଜୁ ସାମସନ୍ ଶ୍ରୀଲଙ୍କା ବିପକ୍ଷ ତୃତୀୟ ତଥା ଅନ୍ତିମ ଟି-୨୦ ଅନ୍ତର୍ଜାତୀୟ ମ୍ୟାଚରେ ଅନ୍ତିମ ଏକାଦଶରେ ସ୍ଥାନ ପାଇବା ସହ ବିରଳ ରେକର୍ଡର ଅଧିକାରୀ ହୋଇଛନ୍ତି। ସେ ଦୁଇ ମ୍ୟାଚ୍ ମଧ୍ୟରେ ସର୍ବାଧିକ ମ୍ୟାଚ୍ ବାହାରେ ରହିବାରେ ନୂଆ ରେକର୍ଡ କରିଛନ୍ତି।
ସାମସନ୍ ନିଜର ଏକମାତ୍ର ଅନ୍ତର୍ଜାତୀୟ ଟି-୨୦ ମ୍ୟାଚ୍ ୧୯ ଜୁଲାଇ, ୨୦୧୫ରେ ଜିମ୍ବାୱେ ବିପକ୍ଷରେ ଖେଳିଥିଲେ। ଏହା ମଧ୍ୟରେ ଭାରତ ୭୩ ଅନ୍ତର୍ଜାତୀୟ ଟି-୨୦ ମ୍ୟାଚ୍ ଖେଳିସାରିଛି ଏବଂ ଶୁକ୍ରବାର ସାମସନଙ୍କୁ ସୁଯୋଗ ମିଳିଛି। ତେବେ ସାମସନ୍ ନିଜକୁ ମିଳିଥିବା ଏହି ସୁଯୋଗର ପାଇଦା ଉଠାଇପାରି ନାହାନ୍ତି ଏବଂ ମାତ୍ର ୬ ରନ୍ କରି ଆଉଟ୍ ହୋଇଥିଲେ।
ସେ କ୍ରିଜକୁ ଆସିବା ମାତ୍ରକେ ପ୍ରଥମ ବଲରେ ଛକା ମାରି ଖାତା ଖୋଲିଥିଲେ। କିନ୍ତୁ ପରବର୍ତ୍ତୀ ବଲରେ ୱାନିନ୍ଦୁ ହସରଙ୍ଗାଙ୍କ ବଲରେ ଏଲବିଡବ୍ଲ୍ୟୁ ହୋଇଯାଇଥିଲେ । ଏହା ପୂର୍ବରୁ ରେକର୍ଡ ଉମେଶ ଯାଦବଙ୍କ ନାଁରେ ଥିଲା, ଯିଏ ୨୦୧୨ରୁ ୨୦୧୮ ପର୍ଯ୍ୟନ୍ତ ୬୫ ଟି-୨୦ ଅନ୍ତର୍ଜାତୀୟ ମ୍ୟାଚରେ ଖେଳିନଥିଲେ। ତାଙ୍କ ପରେ ଦିନେଶ କାର୍ତ୍ତିକ (୫୬) ଓ ମହମ୍ମଦ ଶାମି (୪୩)ଙ୍କ ନମ୍ବର ଆସିବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
