ପୂର୍ବତନ ଅଧିନାୟକ ସର୍ଦ୍ଦାର ସିଂହଙ୍କୁ ମିଳିଲା ନୂଆ ଦାୟିତ୍ୱ

ନୂଆଦିଲ୍ଲୀ: ଭାରତୀୟ ହକି ଟିମ୍‌ର ପୂର୍ବତନ ଅଧିନାୟକ ସର୍ଦ୍ଦାର ସିଂହଙ୍କୁ ମିଳିଛି ନୂଆ ଦାୟିତ୍ୱ। ତାଙ୍କୁ ୧୩ ଜଣିଆ ସଦସ୍ୟ ବିଶିଷ୍ଟ ହକି ଇଣ୍ଡିଆ ଚୟନ କମିଟିରେ ସାମିଲ କରାଯାଇଛି। ୧୯୭୫ ମସିହା ବିଶ୍ୱ କପ୍ ବିଜେତା ଟିମ୍‌ର ସଦସ୍ୟ ବି.ପି ଗୋବିନ୍ଦଙ୍କ ଅଧ୍ୟକ୍ଷତାରେ ଏହି କମିଟି ଗଠନ ହୋଇଛି।

ନୂଆ ଦାୟିତ୍ୱ ପାଇବା ପରେ ସର୍ଦ୍ଦାର କହିଛନ୍ତି,“ମୋତେ ନୂଆ ଦାୟିତ୍ୱ ନେଇ ପ୍ରସ୍ତାବ ଦିଆଯାଇଥିଲା। ମୁଁ ଏହି ପ୍ରସ୍ତାବକୁ ଗ୍ରହଣ କରିଛି। ଏହା ମୋ ପାଇଁ ଏକ ନୂଆ ଚ୍ୟାଲେଞ୍ଜ। ମୁଁ ଯେକୌଣସି ବାଟରେ ସବୁବେଳେ ଭାରତୀୟ ହକିର ସେବା କରିବାକୁ ପ୍ରସ୍ତୁତ ଅଛି।”

ସେ କହିଛନ୍ତି,“ଏ ଦାୟିତ୍ୱ ସଂପୂର୍ଣ୍ଣ ଭାବେ ଅଲଗା। ମୁଁ ବହୁ ବର୍ଷ ଧରି ଖେଳାଳି ଭାବେ ସୁଯୋଗ ପାଇଥିଲି। ବର୍ତ୍ତମାନ କିନ୍ତୁ ଯୋଗ୍ୟ ଖେଳାଳି ଚୟନ କରିବାକୁ ହେବ।”

ହକି ଇଣ୍ଡିଆ ଚୟନ କମିଟିରେ ଥିବା ଅନ୍ୟ ସଦସ୍ୟମାନେ ହେଲେ ହର୍‌ବିନ୍ଦର ସିଂହ, ସୟଦ ଅଲ୍ଲୀ, ଏ.ବି ସୁବୈହ, ଆର୍‌.ପି ସିଂହ, ରଜନୀଶ ମିଶ୍ରା, ଜୋୟଦୀପ କୌର, ସୁରେନ୍ଦର କୌର, ଅସୁନ୍ତ ଲାକ୍ରା, ଡାଭିଡ୍ ଜୋନ୍ ଓ ଉଭୟ ପୁରୁଷ ଏବଂ ମହିଳା ସିନିୟର ଟିମ୍‌ର କୋଚ୍‌।

ସର୍ଦ୍ଦାର ସିଂହ ୨୦୨୦ ଟୋକିଓ ଅଲିମ୍ପିକ୍ସ ପର୍ଯ୍ୟନ୍ତ ଖେଳିବାକୁ ଚାହୁଁଥିଲେ। କିନ୍ତୁ ଗତବର୍ଷ ଏସିଆନ୍ ଗେମ୍ସରେ ନୈରାଶ୍ୟଜନକ ପ୍ରଦର୍ଶନ ପରେ ସେ ଖେଳ ଛାଡ଼ିବାକୁ ବାଧ୍ୟ ହୋଇଥିଲେ।

ଆହୁରି ପଢ଼ନ୍ତୁ

କୌଣସି ମୁହୂର୍ତ୍ତରେ ଯାଇପାରେ ନେପାଳ ପ୍ରଧାନମନ୍ତ୍ରୀଙ୍କ ପଦ

ଭାରତ ପରେ ଭୁଟାନର ପୂର୍ବ ସୀମାକୁ ନିଜର ବୋଲି ଦାବି କଲା ବେଜିଂ

ରାଜ୍ୟରେ କରୋନା ନେଲା ଆଉ ୨ ମୁଣ୍ଡ, ମୃତ୍ୟୁ ସଂଖ୍ୟା ୩୬କୁ ବୃଦ୍ଧି

ବିଏମ୍‌ସିର ୩ କର୍ମଚାରୀଙ୍କୁ କରୋନା

ରେକର୍ଡ ସଂଖ୍ୟକ ପଜିଟିଭ ସହ ମହାରାଷ୍ଟ୍ରରେ କରୋନା ସଂକ୍ରମିତଙ୍କ ସଂଖ୍ୟା ୨ ଲକ୍ଷ ପାର

ନବ ଦିନାତ୍ମକ ଯାତ୍ରା ଶେଷ କରି ନୀଳକନ୍ଦରକୁ ବାହୁଡ଼ିଲେ ଶ୍ରୀଜିଉ

ନିର୍ଦ୍ଦେଶକୁ ୫ବର୍ଷ ବିତିଲା, ୭୭ % ସ୍କୁଲରେ ନାହିଁ ଖେଳପଡ଼ିଆ

ଜାମିନ୍‌ ପାଇଁ ହସ୍ପିଟାଲକୁ ମାସ୍କ ଓ ସାନିଟାଇଜର ଦେଲେ ଦୁଇ ଅଭିଯୁକ୍ତ

ସମସ୍ତଙ୍କ ସ୍ୱାବ୍ ପରୀକ୍ଷା ଦାବି କଲା କଂଗ୍ରେସ

ସୁସ୍ଥ ହେଲେ ୨୨୯ ‘କରୋନା’ ଆକ୍ରାନ୍ତ, କେଉଁ ଜିଲ୍ଲାରୁ କେତେ ପଢ଼ନ୍ତୁ

ମହଙ୍ଗା ପଡ଼ିଲା ବାହାଘର ମଉଜ, ୫୦ ହଜାର ଜୋରିମାନା  

ଧୋକ୍କା ଦେଲେ ସହଯୋଗୀ, ଚାଲିଗଲା ଡିଏସପିଙ୍କ ଜୀବନ