ନୂଆଦିଲ୍ଲୀ: ୱେଷ୍ଟଇଣ୍ଡିଜ୍ ବିପକ୍ଷ ସିରିଜ୍ରେ ଜବରଦସ୍ତ ପ୍ରଦର୍ଶନ କରିଥିବା ଟିମ୍ ଇଣ୍ଡିଆର ଦୁଇ ଯୁବ ପ୍ରତିଭା ପୃଥ୍ୱୀ ଶ’ ଓ ରିଷଭ ପନ୍ତଙ୍କ ଆଇସିସି ଟେଷ୍ଟ ବ୍ୟାଟିଂ ରାଙ୍କିଙ୍ଗରେ ଉନ୍ନତି ଘଟିଛି।
ଡେବ୍ୟୁରେ ଶତକ ହାସଲ କରିବା ଓ ଦ୍ୱିତୀୟ ଟେଷ୍ଟ୍ ମ୍ୟାଚ୍ରେ ୭୦ ଏବଂ ୩୩ ରନ୍ର ଇନିଂସ୍ ଖେଳିବା ପରେ ଶ’ ଟେଷ୍ଟ ବ୍ୟାଟିଂ ରାଙ୍କିଙ୍ଗରେ ୧୩ଟି ସ୍ଥାନ୍ ଲମ୍ଫ ମାରି ୬୦ ନମ୍ବର ସ୍ଥାନରେ ପହଞ୍ଚିଛନ୍ତି। ତାଙ୍କ ପାଖରେ ଏବେ ୪୬୫ ପଏଣ୍ଟ ରହିଛି।
ସେହିପରି ଦୁଇଟି ଯାକ ମ୍ୟାଚ୍ରେ ୯୨ ରନ୍ ଲେଖାଏ କରିଥିବା ପନ୍ତ ୨୩ଟି ସ୍ଥାନ ଲମ୍ଫ ମାରି ୬୨ ତମ ସ୍ଥାନରେ ପହଞ୍ଚିଛନ୍ତି।
ଏବେ ସେ ୬୧୩ ପଏଣ୍ଟ ସହ ବୋଲିଂ ରାଙ୍କିଙ୍ଗର କ୍ୟାରିୟର୍ ବେଷ୍ଟ ୨୫ ନଂ ସ୍ଥାନରେ ପହଞ୍ଚିଛନ୍ତି।
ଉମେଶ ଦ୍ୱିତୀୟ ଟେଷ୍ଟ୍ର ପ୍ରଥମ ଇନିଂସ୍ରେ ୬ଟି ୱିକେଟ୍ ନେଇଥିବା ବେଳେ ଦ୍ୱିତୀୟ ଇନିଂସ୍ରେ ୪ଟି ୱିକେଟ୍ ଦଖଲ କରିଥିଲେ।
ସେହିପରି ଟେଷ୍ଟ୍ ଟିମ୍ ରାଙ୍କିରେ ଭାରତ ତା’ର ସ୍ଥାନକୁ ଆହୁରି ସୁଦୃଢ଼ କରିଛି।
ୱିଷ୍ଟେଇଣ୍ଡିଜ୍କୁ ୨-୦ରେ ମାତ ଦେଇଥିବାରୁ ଭାରତକୁ ଗୋଟିଏ ପଏଣ୍ଟ ମିଳିଛି। ଫଳରେ ଭାରତର ପଏଣ୍ଟ ସଂଖ୍ୟା ୧୧୬ରେ ପହଞ୍ଚିଛି। ଏହାର ଅର୍ଥ ପୂର୍ବଭଳି ବିରାଟ୍ ଆଣ୍ଡ କୋ ପ୍ରଥମ ସ୍ଥାନରେ ରହିଛନ୍ତି।
ଭାରତ ପଛକୁ ଦକ୍ଷିଣ ଆଫ୍ରିକା ଓ ଅଷ୍ଟ୍ରେଲିଆ ସମାନ ୧୦୬ ପଏଣ୍ଟ୍ ସହ ଯଥାକ୍ରମେ ଦ୍ୱିତୀୟ ଏବଂ ତୃତୀୟ ସ୍ଥାନରେ ରହିଛନ୍ତି। ୧୦୫ ପଏଣ୍ଟ ସହ ଇଂଲଣ୍ଡ ୪ର୍ଥ ଥିବାବେଳେ ୧୦୨ ପଏଣ୍ଟ ସହ ନ୍ୟୁଜିଲ୍ୟାଣ୍ଡ ୫ମ ସ୍ଥାନରେ ରହିଛି।