ନୂଆଦିଲ୍ଲୀ: ମହିଳା ବକ୍ସିଂ ବିଶ୍ୱ ଚାମ୍ପିୟନ୍ଶିପ୍ରେ ୪୮ କିଲୋଗ୍ରାମ୍ ଲାଇଟ୍ ଫ୍ଲାଇୱେଟ୍ ବର୍ଗରେ ବିଜୟୀ ହୋଇ ମ୍ୟାରୀ କମ୍ ଷଷ୍ଠ ଥର ପାଇଁ ବିଶ୍ୱ ବିଜୟିନୀ ହୋଇଥିବା ବେଳେ ୫୭ କେଜି ବର୍ଗ ଫାଇନାଲ୍ରେ ପ୍ରବେଶ କରିଥିବା ସୋନିଆ ଚହଲଙ୍କୁ ରୌପ୍ୟ ପଦକରେ ସନ୍ତୁଷ୍ଟ ହେବାକୁ ପଡ଼ିଛି। ସେ ଚଳିତ ବର୍ଷ ପ୍ରଥମ ଥର ପାଇଁ ବିଶ୍ୱଚାମ୍ପିୟନ୍ଶିପ୍ରେ ଅଂଶଗ୍ରହଣ କରିଥିଲେ।
ସୋନିଆ ସେମି ଫାଇନାଲ୍ରେ ଉତ୍ତର କୋରିଆର ଜୋ ସନ୍ ହୁୱାଙ୍କୁ ହରାଇ ଫାଇନାଲ୍ରେ ପହଞ୍ଚିଥିଲେ ଓ ସ୍ୱର୍ଣ୍ଣ ପଦକ ପାଇବାକୁ ଦାବିଦାର ହୋଇଥିଲେ। ଫାଇନାଲ୍ରେ ତାଙ୍କର ମୁକାବିଲା ଜର୍ମାନୀର ଓର୍ନିଲା ଗ୍ରାବିଏଲ୍ ୱାନରଙ୍କ ସହ ହୋଇଥିଲା। ସେ ଓର୍ନିଲାଙ୍କଠାରୁ ୧-୪ରେ ହାରି ଯାଇଥିଲେ।
ସୋନିଆଙ୍କ ଘର ହରିୟାଣାର ଭିୱାନିରେ। ସେ ୨୦୧୧ରେ ୧୪ ବର୍ଷ ବୟସରେ ବକ୍ସିଂ କ୍ୟାରିଅର ଆରମ୍ଭ କରିଥିଲେ। ସିନିୟର ବର୍ଗରେ ସେ ୨୦୧୬ରେ ପ୍ରଥମେ ପଦକ ଜିତିଥିଲେ।
ଗତକାଲି ଫାଇନାଲ୍ରେ ପରାସ୍ତ ହେବା ପରେ ସେ କହିଥିଲେ,“ମୋ ଦୁର୍ବଳତାଗୁଡ଼ିକୁ ସମୀକ୍ଷା କରିବି ଓ ୨୦୨୦ ଅଲିମ୍ପିକ୍ସ ପାଇଁ ପ୍ରସ୍ତୁତି କରିବି।”
ଦିଲ୍ଲୀରେ ଅନୁଷ୍ଠିତ ମହିଳା ବକ୍ସିଂ ବିଶ୍ୱ ଚାମ୍ପିୟନ୍ଶିପ୍ରେ ଭାରତ ଗୋଟିଏ ସ୍ୱର୍ଣ୍ଣ, ଗୋଟିଏ ରୌପ୍ୟ ଓ ୨ଟି କାଂସ୍ୟ ପଦକ ସହ ଅଭିଯାନ ଶେଷ କରିଛି।
After 9 days of intense action, we finally draw curtains to the 10th edition of the AIBA Women's World Championship in Delhi.
Let's have a look at how the countries stand at the end of the mega-event. ?#WorldBoxingChampionship #AIBA pic.twitter.com/LInTWrO2XZ— Boxing Federation (@BFI_official) November 24, 2018
ମ୍ୟାରୀ କମ୍ ସ୍ୱର୍ଣ୍ଣ ପଦକ ଜିତିଥିବା ବେଳେ ସୋନିଆ ରୌପ୍ୟ ଏବଂ ସିମ୍ରନ୍ଜିତ୍ କୌର ବାଥ (୬୪ କେଜି) ଓ ଲଭ୍ଲୀନା ବୋରଗୋହାଇଁ (୬୯କେଜି) କାଂସ୍ୟ ପଦକ ଜିତିଛନ୍ତି।