ବେଙ୍ଗାଲୁରୁ: ଭାରତୀୟ କ୍ରିକେଟ୍ ଟିମର ପୂର୍ବତନ କ୍ୟାପଟେନ୍ ସୌରଭ ଗାଙ୍ଗୁଲି ବିସିସିଆଇର ଅଧ୍ୟକ୍ଷ ହେବା ପରେ ଖୁବ୍ ପ୍ରଶଂସା ସାଉଣ୍ଟୁଛନ୍ତି। ବୁଧବାର ଗାଙ୍ଗୁଲି କର୍ଣ୍ଣାଟକର ରାଜଧାନୀ ବେଙ୍ଗାଲୁରୁ ପହଞ୍ଚିଥିଲେ। ଗାଙ୍ଗୁଲି ଏୟାରପୋର୍ଟରେ ଥିବା ବେଳେ ତାଙ୍କୁ ପ୍ରଶଂସକ ଘେରି ଯାଇଥିଲେ। ଗାଙ୍ଗୁଲି ମଧ୍ୟ ପ୍ରଶଂସକଙ୍କୁ ନିରାଶ ନକରି ସେମାନଙ୍କ ସହ ସେଲଫି ଉଠାଇଥିଲେ। ଗାଙ୍ଗୁଲି ନିଜ ଟ୍ୱିଟର୍ ହ୍ୟାଣ୍ଡଲରେ ଏହି ଫଟୋକୁ ପୋଷ୍ଟ କରିଛନ୍ତି। ଏହି ଫଟୋ ପୋଷ୍ଟ କରି ଗାଙ୍ଗୁଲି ଲେଖିଥିଲେ, ବାଙ୍ଗାଲୋର ଏୟାର ପୋର୍ଟର ଚେକ୍-ଇନରେ ଛିଡ଼ା ହୋଇଛି। ଲୋକଙ୍କ ଭଲପାଇବା ଆମକୁ ବହୁତ ଖୁସି ଦେଇଥାଏ।
At the check in airport of bangalore .. love of people makes u feel so grateful pic.twitter.com/FDP2fwzg6W
— Sourav Ganguly (@SGanguly99) October 30, 2019
ବୁଧବାର ଗାଙ୍ଗୁଲି ନିଜ ପୂର୍ବତନ ସାଥୀ ଖେଳାଳି ଏବଂ ଜାତୀୟ କ୍ରିକେଟ୍ ଏକାଡେମୀ (ଏନସିଏ)ର ନିର୍ଦ୍ଦେଶକ ରାହୁଲ ଡ୍ରାଭିଡଙ୍କୁ ସାକ୍ଷାତ କରିବା ପାଇଁ ବେଙ୍ଗାଲୁରୁ ଯାଇଥିଲେ। ସେଠାରେ ସେ ଏନସିଏର ରୋଡମ୍ୟାପକୁ ଉନ୍ନତ କରିବା ପାଇଁ ଡ୍ରାଭିଡଙ୍କ ସହ ଆଲୋଚନା କରିଥିଲେ। ଗାଙ୍ଗୁଲି ଶାର୍ଟ ସହ ଏକ ସ୍ଲିଭଲେସ୍ ସ୍ୱେଟର୍ ପରିଧାନ କରିଥିଲେ।
ଏୟାରପୋର୍ଟରେ ଗାଙ୍ଗୁଲିଙ୍କ ଦେଖିବା ମାତ୍ରକେ ପ୍ରଶଂସକ ଖୁବ୍ ଚିତ୍କାର କରି ଉଠିଥିଲେ। ଗାଙ୍ଗୁଲି ମଧ୍ୟ ସେମାନଙ୍କ ସହ ଫଟୋ ଉଠାଇଥିଲେ। ସେଠାରେ ଊପସ୍ଥିତ ସୁରକ୍ଷାକର୍ମୀ ମଧ୍ୟ ବେଶ୍ ଖୁସି ହୋଇଥିଲେ। ଏହି ଫଟୋ ଟ୍ୱିଟରରେ ପୋଷ୍ଟ ହେବା ପରେ ଖୁବ୍ ଭାଇରାଲ୍ ହୋଇଥିଲା। ଏହି ଟ୍ୱିଟକୁ ୮୦ହଜାରରୁ ଅଧିକ ଲାଇକ୍ କରାଯାଇଛି ଏବଂ ଏହା ସହ ୪ହଜାର ୭୦୦ଥର ରିଟ୍ୱିଟ୍ ମଧ୍ୟ କରାଯାଇଛି।