ଦୁବାଇ: ଭାରତ-ପାକ ସିରିଜ ହେବା ନେଇ ଉପୁଜିଥିବା ଆଶ ଆଶଙ୍କା ଶେଷ ହୋଇଛି। ଏହି ଦୁଇ ଦେଶ ମଧ୍ୟରେ ହେବାକୁ ଦ୍ୱିପାଖିକ ସିରିଜ ପଡୋଶୀ ରାଷ୍ଟ୍ର ଶ୍ରୀଲଙ୍କାରେ ହୋଇପାରେ। ଏ ନେଇ ଆସନ୍ତା ୨୭ରେ ଘୋଷଣା ହେବ।
ଭାରତ ୟୁଏଇରେ ଓ ପାକିସ୍ତାନ ଭାରତରେ ଖେଳିବା ନେଇ ମନା କରିବା ପରେ ଶ୍ରୀଲଙ୍କାକୁ ଏକମାତ୍ର ସ୍ଥାନ ଭାବେ ମନୋନିତ କରିଛି ଆଇସିସି। ଭାରତ ଓ ପାକ ମଧ୍ୟରେ ୩ଟି ଦିନିକିଆ, ଓ ୨ଟି ଟି-ଟ୍ୱେଣ୍ଟି ମ୍ୟାଚ ଖେଳା ହେବାକୁ ଯୋଜନା ରହିଛି। ମାତ୍ର ଭାରତ-ଦକ୍ଷିଣ ଆଫ୍ରିକା ମଧ୍ୟରେ ସିରିଜ ଚାଲିଥିବାରୁ ଏହି ଦୁଇ ପାରମ୍ପାରିକ ପ୍ରତିଦ୍ୱନ୍ଦୀଙ୍କ ମଧ୍ୟରେ ହେବାକୁ ଥିବା ୨ଟି ଟେଷ୍ଟ ମ୍ୟାଚ ଖେଳାଯିବ ନାହିଁ ବୋଲି ବିସିସିଆଇ ସ୍ପଷ୍ଟ କରିଛି।
ଏହି ସିରିଜର ମ୍ୟାଚଗୁଡିକ ଶ୍ରୀଲଙ୍କାର ଖେତ୍ରାମ୍ମା (ଆର. ପ୍ରେମାଦାସା ଷ୍ଟାଡିୟମ) ଓ ପାଲ୍ଲେଖେଲେ (କ୍ୟାଣ୍ଡି)ରେ ଅନୁଷ୍ଠିତ ହେବ। ଡିସେମ୍ବରରେ ମୌସୁମୀ ସକ୍ରିୟ ନ ଥିବାରୁ ମ୍ୟାଚରେ କୌଣସି ଅସୁବିଧା ହେବ ନାହିଁ ଶ୍ରୀଲଙ୍କା କ୍ରିକେଟ ବୋର୍ଡ ସୂଚନା ଦେଇଛି।
ସୂଚନାଯୋଗ୍ୟ, ସୋମବାର ଦୁବାଇରେ ଇସିବିର ଅଧ୍ୟକ୍ଷ ଗାଇଲ୍ କ୍ଲାର୍କଙ୍କ ଉପସ୍ଥିତିରେ ବିସିସିଆଇ ସଭାପତି ତଥା ଆଇସିସି ଅଧ୍ୟକ୍ଷ ଶଶାଙ୍କ ମନୋହର ଓ ପିସିବି ଅଧ୍ୟକ୍ଷ ଶାହାୟାର ଖାନଙ୍କ ମଧ୍ୟରେ ଆଲୋଚନା ହୋଇଥିଲା। ପାକିସ୍ତାନ କ୍ରିକେଟ ବୋର୍ଡ ଆଲୋଚନା ସଫଳ ହୋଇଥିବା ସୂଚନା ଦେଇଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
