ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>କାନବେରା: ବଲ ଟ୍ୟାମ୍ପରିଂ ଅଭିଯୋଗରେ ଛନ୍ଦି ହୋଇ ଅଧିନାୟକ ପଦ ହରାଇବା ସହ କ୍ରିକେଟ୍‌ରୁ ୧ ବର୍ଷ ବାସନ୍ଦ ହୋଇଥିବା ଅଷ୍ଟ୍ରେଲୀୟ କ୍ରିକେଟର ଷ୍ଟିଭ ସ୍ମିଥ ନିଜ କର୍ମକୁ ନେଇ ପଶ୍ଚାତାପ କରୁଛନ୍ତି। କରିଦେଇଥିବା ଭୁଲ ଏବେ ତାଙ୍କୁ ରାତିରେ ଶୁଆଇ ଦେଉନାହିଁ। ସମ୍ପୂର୍ଣ୍ଣ ଭାଙ୍ଗି ପଡ଼ିଛନ୍ତି ମାନସିକ ସ୍ତରରେ। ଯାହାର ଝଲକ ଆଜି ଦେଖିବାକୁ ମିଳିଥିଲା ତାଙ୍କ ସାମ୍ବାଦିକ ସମ୍ମିଳନୀରେ। ସାମ୍ବାଦିକ ସମ୍ମିଳନୀରେ ସ୍ମିଥ କାନ୍ଦି କାନ୍ଦି ନିଜ ଭୁଲ ପାଇଁ କ୍ଷମା ମାଗିଥିଲେ। କହିଥିଲେ- ଏହି ଭୁଲକୁ ନେଇ ସାରା ଜୀବନ ଅବଶୋଷ ରହିବ।”</p> <p>ସେ ଆହୁରି କହିଛନ୍ତି, “ମୋର ଏହି ଭୁଲ ପାଇଁ କିଛି ବି ଦଣ୍ଡ ଭୋଗିବାକୁ ପ୍ରସ୍ତୁତ ଅଛି। ଆଶା କରୁଛି, ସମୟ ସହ ମୋ ପ୍ରତି ଥିବା ଆପଣମାନଙ୍କ ଭଲପାଇବା ପୁଣି ଫେରି ଆସିବ। କ୍ରିକେଟ୍‌ ଦୁନିଆର ସବୁଠାରୁ ବଡ଼ ଖେଳ। ଏହା ମୋର ଜୀବନ। ମୁଁ ଆଶା କରୁଛି, ଏହା ପୁଣି ମୋ ଜୀବନକୁ ଆସିବ।”</p> <p>ସେ ଆହୁରି କହିଛନ୍ତି, “ଏହି ଘଟଣାର ସମ୍ପୂର୍ଣ୍ଣ ଦୋଷ ମୁଁ ନିଜ ଉପରକୁ ନେଉଛି। ମୁଁ ପୂରା ନିରାଶ ହୋଇଯାଇଛି। ଏହା ମୋ ନେତୃତ୍ୱର ବିଫଳତା। ମୁଁ ନିଷ୍ପତ୍ତି ନେବାରେ ଗମ୍ଭୀର ଭୁଲ କରିଛି।”</p> <p>ସାମ୍ବାଦିକ ସମ୍ମିଳନୀରେ କାନ୍ଦି କାନ୍ଦି ସ୍ମିଥ କହିଥିଲେ, “ଭଲ ଲୋକ ବି ଭୁଲ କରନ୍ତି। ମୁଁ ବି ବଡ଼ ଭୁଲ କରିଛି ଯେ, ଏସବୁ ହେବାକୁ ଦେଲି। ମୁଁ ନିଜ ନିଷ୍ପତ୍ତି ନେବାରେ ଭୁଲ କରିଦେଲି। ଏଥିପାଇଁ ମୁଁ ବହୁତ ଦୁଃଖିତ ଓ ହୃଦୟରୁ ଭୁଲ ମାଗୁଛି। ଆଶା କରୁଛି, ଏହି କ୍ଷତିକୁ ମୁଁ ପୂରଣ କରିପାରିବି।”</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
