ନୂଆଦିଲ୍ଲୀ:୨୦୦୮ ବେଜିଂ ଅଲିମ୍ପିକ୍ସରେ ବ୍ରୋଞ୍ଜ ପଦକ ଜିତିବା ପରେ ବି ମତେ ଅବସର ନେବାକୁ କୁହାଯାଇଥିଲା। ଆଜି ଏହା କହିଛନ୍ତି ଅଲିମ୍ପିକ୍ସରେ ଦୁଇ ଥର ପଦକ ଜିତିଥିବାର କୁସ୍ତିଯୋଦ୍ଧା ସୁଶୀଲ କୁମାର।
ସେ କହିଛନ୍ତି,“ବେଜିଂ ଅଲିମ୍ପିକ୍ସ ଜିତି ସ୍ୱେଦେଶ ଫେରିବା ପରେ ମୋର କିଛି ଶୁଭଚିନ୍ତକ ମତେ ଅବସର ନେବାକୁ କହିଥିଲେ। ମୁଁ ତାଙ୍କୁ କହିଥିଲି‘ଏବେ ଅୟାରମ୍ଭ ମାତ୍ର ଶେଷ କଥା ପରେ ବୁଝାଯିବ। ୨୦୧୨ ଲଣ୍ଡନ୍ ଅଲିମ୍ପିକ୍ସ ମୁଁ ଭାରତ ପାଇଁ ଗୌରବ ଆଣିଥିଲି।”
ସୂଚନାଯୋଗ୍ୟ ସୁଶୀଲ ଆସନ୍ତା ରିଓ ଅଲିମ୍ପିକ୍ସ ପାଇଁ ଯୋଗ୍ୟତା ଅର୍ଜନ କରିପାରି ନାହାନ୍ତି।
ରିଓ ଅଲିମ୍ପିକ୍ରେ ପୁରୁଷ ବର୍ଗର ୭୪ କେଜି ଇଭେଣ୍ଟରେ ଭାରତ ପକ୍ଷରୁ ନରସିଂହ ଯାଦବ ଓ ସୁଶୀଲ କୁମାରଙ୍କ ମଧ୍ୟରୁ କିଏ ପ୍ରତିନିଧିତ୍ୱ କରିବ ସେନେଇ ସମସ୍ୟା ଦେଖାଦେଇଥିଲା। ଏନେଇ ସେ ଦିଲ୍ଲୀ କୋର୍ଟଙ୍କ ଦ୍ୱାରସ୍ଥ ହୋଇଥିଲେ। କିନ୍ତୁ କୋର୍ଟ ସୁଶୀଲ ବିପକ୍ଷରେ ରାୟ ଦେଇଥିଲେ।
ଗତ ସେପ୍ଟେମ୍ବର ମାସରେ ଆମେରିକାର ଲାସ୍ ଭେଗାସ୍ରେ ଅନୁଷ୍ଠିତ ବିଶ୍ୱ ଚାମ୍ପିଅନ୍ସିପ୍ରେ ନରସିଂହ ପୁରୁଷ ବର୍ଗର ୭୪ କେଜି ଫ୍ରି ଷ୍ଟାଇଲ୍ ଇଭେଣ୍ଟରେ ବ୍ରୋଞ୍ଜ ପଦକ ଜିତି ୨୦୧୬ ରିଓ ଅଲିମ୍ପିକ୍ ପାଇଁ ଯୋଗ୍ୟତା ଅର୍ଜନ କରିଥିବା ବେଳେ ସୁଶୀଲ ୬୬ କେଜି ବର୍ଗରୁ ୭୪କେଜି ବର୍ଗକୁ ଉତ୍ତୀର୍ଣ୍ଣ ହୋଇ ୨୦୧୪ ରାଜ୍ୟଗୋଷ୍ଠୀ କ୍ରୀଡାରେ ଭାରତ ପାଇଁ ସ୍ୱର୍ଣ୍ଣ ପଦକ ଜିତିଛନ୍ତି। ତେଣୁ ଏହି ବିବାଦ ଦେଖାଦେଇଥିଲା।