ମୋହାଲିରେ ଧର୍ମଶାଳାର ବଦ୍‌ଲା: ଶ୍ରୀଲଙ୍କା ବିପକ୍ଷରେ ଭାରତର ବୃହତ ବିଜୟ

ଭୁବନେଶ୍ୱର(ଓଡ଼ିଶା ରିପୋର୍ଟର): ଅଧିନାୟକ ରୋହିତ ଶର୍ମାଙ୍କ ବିସ୍ଫୋରକ ଦ୍ୱିଶତକ ବଳରେ ଟିମ୍ ଇଣ୍ଡିଆର ବୃହତ ବିଜୟ। ମୋହାଲିରେ ଖେଳାଯାଇଥିବା ଦ୍ୱିତୀୟ ଦିନିକିଆରେ ଶ୍ରୀଲଙ୍କାକୁ ୧୪୧ ରନରେ ହରାଇଛି ଭାରତ। ଘରୋଇ ଦଳ ପ୍ରଥମେ ବ୍ୟାଟିଂ କରି ୩୯୨ ରନର ବିଶାଳ ସ୍କୋର ଛିଡ଼ା କରିଥିଲା। ଅଧିକାୟକ ରୋହିତ ଶର୍ମା ୧୫୩ ବଲରୁ ଧୁଆଁଧାର ୨୦୮ ରନ୍ କରିଥିଲେ। ଦିନିକିଆରେ ଏହା ତାଙ୍କର ତୃତୀୟ ଦ୍ୱିଶତକ।

ଏହାପରେ ୩୯୩ ରନର ବିଜୟ ଲକ୍ଷ୍ୟର ପିଛା କରୁଥିବା ଶ୍ରୀଲଙ୍କା ଟିମ୍ ଚହଲ ଓ ବୁମରହାଙ୍କ ଘାତକ ବୋଲିଂର ମୁକାବିଲ କରିନଥିଲା। ଆଞ୍ଜେଲା ମ୍ୟାଥ୍ୟୁସଙ୍କ ଲଢୁଆ ଶତକ ବଳରେ ଶ୍ରୀଲଙ୍କା ନିର୍ଦ୍ଧାରିତ ୫୦ ଓଭର ୨୫୧ ରନ କରିବାକୁ ସମର୍ଥ ହୋଇଥିଲା। ଭାରତ ପକ୍ଷରୁ ଚହଳ ୩ ଟି ଓ ବୁମ୍‌ରା ୨ଟି ଓ୍ୱିକେଟ୍ ନେଇଥଲେ। ଏହି ବିଜୟ ସହ ଭାରତ ଧର୍ମଶାଳା ପରାଜୟର ବଦଲା ନେବା ସହ ୩ ମ୍ୟାଚ ବିଶିଷ୍ଟ ସିରିଜକୁ ୧-୧ରେ ବରାବର ରଖିଛି। ଅନ୍ତିମ ଦିନିକିଆ ଆସନ୍ତା ରବିବାର ବିଶାଖାପାଟ୍ନମରେ ଖେଳାଯିବ।