ଚେନ୍ନାଇ: ରବିବାର ଏମ୍ ଚିଦାମ୍ବରମ ଷ୍ଟାଡିୟମରେ ଖେଳାଯିବାକୁଥିବା ପ୍ରଥମ ଦିନିକିଆ ପାଇଁ ଗୁରୁବାର ଭାରତ ଓ ୱେଷ୍ଟଇଣ୍ଡିଜ୍ ଟିମ୍ ଚେନ୍ନାଇରେ ପହଞ୍ଚିଛନ୍ତି। ଚେନ୍ନାଇରେ ପହଞ୍ଚିବା ସମୟର ଫଟୋ ଟି୍ ଇଣ୍ଡିଆ କ୍ୟାପଟେନ୍ ବିରାଟ୍ କୋହଲି ପୋଷ୍ଟ କରିଛନ୍ତି, ଯେଉଁଥିରେ ତାଙ୍କ ସହ କୁଲଦୀପ ଯାଦବ ଓ ରବୀନ୍ଦ୍ର ଜାଡେଜା ଅଛନ୍ତି।
Touchdown Chennai 🤙 @imkuldeep18 @imjadeja pic.twitter.com/uWDyrCIi7I
— Virat Kohli (@imVkohli) December 12, 2019
ମୁମ୍ବାଇରେ ତୃତୀୟ ମ୍ୟାଚ୍ ଜିତି ଭାରତ ତିନିମ୍ୟାଚ୍ ବିଶିଷ୍ଟ ଟି-୨୦ ସିରିଜକୁ ୨-୧ରେ ଜିତି ନେଇଛି। ଏହା ପରେ ରବିବାରଠାରୁ ତିନିମ୍ୟାଚ୍ ବିଶିଷ୍ଟ ଦିନିକିଆ ସିରିଜ୍ ଆରମ୍ଭ ହେବ। ଦିନିକିଆ ସିରିଜର ଦ୍ୱିତୀୟ ମ୍ୟାଚ୍ ୧୮ ତାରିଖରେ ବିଶାଖାପାଟଣା ଏବଂ ତୃତୀୟ ମ୍ୟାଚ୍ ୨୨ ତାରିଖରେ କଟକରେ ଖେଳାଯିବ।
It’s beginning to look a lot like #Christmas 🌲 Nicholas Pooran and his West Indies teammates got a warm welcome to Chennai
We’re with the team this week to prepare for the 1st ODI on Sunday #MenInMaroon #INDvWI pic.twitter.com/aKDVhwae8H
— Windies Cricket (@windiescricket) December 12, 2019
ସୂଚନାଯୋଗ୍ୟ, ଭାରତ ଚାରିମାସ ପରେ ଦିନିକିଆ ସିରିଜ୍ ଖେଳିବାକୁ ଯାଉଛି। ଶେଷଥର ପାଇଁ ଭାରତ ୱେଷ୍ଟଇଣ୍ଡିଜ୍ ଗସ୍ତରେ ଦିନିକିଆ ସିରିଜ୍ ଖେଳିଥିଲା। ଏଥିରେ ଭାରତ ୨-୦ରେ ବିଜୟୀ ହୋଇଥିଲା। ଏହାଛଡ଼ା ୨୦୦୬ ପରଠାରୁ ୱେଷ୍ଟଇଣ୍ଡିଜ୍ ବିପକ୍ଷରେ ଭାରତ ଦ୍ୱିପାକ୍ଷିକ ଦିନିକିଆ ସିରିଜରେ ଅପରାଜେୟ ରହିଛି। ବର୍ତ୍ତମାନର ଫର୍ମକୁ ନଜରରେ ରଖିଲେ, ଚଳିତ ଦିନିକିଆ ସିରିଜ୍ ପାଇଁ ଭାରତକୁ ଫେଭରିଟ୍ କୁହାଯାଉଛି।