ଭୁବନେଶ୍ୱର (ଓଡ଼ିଶା ରିପୋର୍ଟର): କଳିଙ୍ଗ ଷ୍ଟାଡିୟମରେ ହେବାକୁ ଥିବା ବିଶ୍ୱ ହକି ଲିଗ ପାଇଁ ଆସନ୍ତାକାଲି ଭୁବନେଶ୍ୱର ଆସିବ ଭାରତୀୟ ଦଳ। ଏହା ପୂର୍ବରୁ ଆଜି ବେଙ୍ଗାଲୁରୁର ସାଇ ଗ୍ରାଉଣ୍ଡରେ ଟିମ ଇଣ୍ଡିଆ ଜୋରଦାର ଅଭ୍ୟାସ କରିଛି। ଭାରତୀୟ ଦଳ କୋଚ ସୋର୍ଡ ମିର୍ନେଙ୍କ ନେତୃତ୍ୱରେ ଟିମ ଅଭ୍ୟାସ ଜାରି ରଖିଥିଲା। ଭାରତୀୟ ଦଳରେ ୩ ଓଡିଆ ଖେଳାଳି ରହିଛନ୍ତି। ସେମାନେ ହେଲେ ବୀରେନ୍ଦ୍ର ଲାକ୍ରା, ଦୀପସାନ ତିର୍କି ଓ ଅମିତ ରୋହିଦାସ। ଏହି ୩ ଓଡ଼ିଆଙ୍କ ଭାରତରୁ ଡିଫେଣ୍ଡ ଲାଇନ ସମ୍ଭାଳିବେ ବୀରେନ୍ଦ୍ର ଲାକ୍ରା। ପ୍ରାୟ ଦେଢ ବର୍ଷ ପରେ ସେ ଭାରତୀୟ ଦଳକୁ ଫେରିଛନ୍ତି। ସେହିପରି ରୂପିନ୍ଦର ପାଲ ସିଂ ମଧ୍ୟ ଦଳକୁ କମବ୍ୟାକ କରିଛନ୍ତି। ଭୁବନେଶ୍ୱରରେ କଳିଙ୍ଗ ଷ୍ଟାଡିୟମର ହକି ଗ୍ରାଉଣ୍ଡ ଉଚ୍ଚକୋଟିର ହୋଇଥିବା ବେଳେ ଏହା ଭାରତ ପାଇଁ ଲକି ସାବ୍ୟସ୍ତ ହେବ ବୋଲି ଖେଳାଳି ଆଶା ପ୍ରକାଶ କରିଛନ୍ତି। ଡିସେମ୍ବରରୁ ୧ରୁ ଆରମ୍ଭ ହେବ ଏହି ଟୁର୍ଣ୍ଣାମେଣ୍ଟ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
