ତୃଣମୂଳ ସ୍ତରରେ ଫୁଟବଲର ବିକାଶ କରିବାରେ ଫାଓ ଶ୍ରେଷ୍ଠ

ଭୁବନେଶ୍ୱର: ଅଖିଳ ଭାରତୀୟ ଫୁଟବଲ ମହାସଂଘ (ଏଆଇଏଫଏଫ୍)ର ବାର୍ଷିକ ବୈଠକରେ ୨୦୧୫ର ଶ୍ରେଷ୍ଠ ଖେଳାଳି ଓ ଶ୍ରେଷ୍ଠ ସଂଘଙ୍କୁ ପୁରସ୍କାର ପ୍ରଦାନ କରାଯାଇଛି। ଓଡ଼ିଶା ଫୁଟବଲ ସଂଘକୁ ୨୦୧୫ ବର୍ଷ ପାଇଁ ତୃଣମୂଳ ସ୍ତରରେ ଫୁଟବଲ୍ ବିକାଶ ଲାଗି ଶ୍ରେଷ୍ଠ ପୁରସ୍କାର ଦିଆଯାଇଛି।

ୟୁଜେନ୍ସ ଲିଙ୍ଗଦୋହ ଶ୍ରେଷ୍ଠ ପୁରୁଷ ଏବଂ ବାଲା ଦେବୀ ଶ୍ରେଷ୍ଠ ମହିଳା ଖେଳାଳି ହୋଇଛନ୍ତି। ପ୍ୟାରୀ ଖାକା ଏଆଇଏଫଏଫ ୨୦୧୫ ଶ୍ରେଷ୍ଠ ଉଦୀୟମାନ ଖେଳାଳି ଭାବେ ପୁରସ୍କୃତ କରାଯାଇଛି। ଲିଙ୍ଗଦୋହଙ୍କୁ ଆଇଲିଗ କ୍ଲବର କୋଚର ମତକୁ ଆଧାର କରି ଚୟନ କରାଯାଇଥିଲା। ତାଙ୍କୁ ପୁରସ୍କାର ବାବଦକୁ ୨ଲକ୍ଷ ଟଙ୍କା ଓ ଟ୍ରଫି ପ୍ରଦାନ କରାଯାଇଥିଲା।