ୟୁ-୧୯ ବିଶ୍ୱକପ୍: ଆସନ୍ତାକାଲି ସେମିରେ ଶ୍ରୀଲଙ୍କାକୁ ଭେଟିବ ଭାରତ

ମୀରପୁର: ବାଂଲାଦେଶର ଶେର-ଇ-ବାଂଲା ଷ୍ଟାଡିୟମ୍‌ରେ ଆସନ୍ତାକାଲି  ୟୁ-୧୯ ସେମିଫାଇନାଲରେ ତିନି ଥରର ଚାମ୍ପିଅନ୍ ଭାରତ ଭେଟିବ ଶ୍ରୀଲଙ୍କାକୁ।

ଗ୍ରୁପ-ଡିରେ ନେପାଳ, ନ୍ୟୁଜିଲାଣ୍ଡ ଓ ଆୟରଲାଣ୍ଡକୁ ପରାଜିତ କରିଛି ଶକ୍ତିଶାଳୀ ଭାରତ। ଶେଷ ମ୍ୟାଚ୍‌ରେ ନାମିବିୟାକୁ ୧୯୭ ରନ୍‌ରେ ପରାଜିତ କରି ଭାରତ ସେମି ଫାଇନାଲରେ ପ୍ରବେଶ କରିଛି।

ଭାରତ ବ୍ୟାଟିଂ ଓ ବୋଲିଂରେ ଭଲ ପ୍ରଦର୍ଶନ ଜାରି ରଖିଥିବାରୁ ଲାଗତାର ଭାବେ ବିଜୟୀ ହୋଇଛି। ଏହାକୁ ଭିତ୍ତି କରି ଦଳ ଶ୍ରୀଲଙ୍କା ବିପକ୍ଷରେ ପଡ଼ିଆକୁ ଓହ୍ଲାଇବ। ଭାରତୀୟ ଦଳର ଅଧିନାୟକ ରିଷଭ ପନ୍ତ ଓ ସରଫରାଜ ଖାଁ ବର୍ତ୍ତମାନ ସୁଦ୍ଧା ଟୁର୍ଣ୍ଣାମେଣ୍ଟରେ ଯଥାକ୍ରମେ ୨୫୨ ଓ ୨୪୫ ରନ୍ କରିଛନ୍ତି। ସେହିପରି ଅମନ ଜାଫର ଓ ମହିପାଲ୍ ଲୋମରୋର୍ ମଧ୍ୟ ଭଲ ପ୍ରଦର୍ଶନ କରିଛନ୍ତି। ଅଭେଶ ଖାନ୍ ବର୍ତ୍ତମାନ ସୁଦ୍ଧା ୯ଟି ୱିକେଟ୍ ନେଇ ସାରି ଥିବା ବେଳେ ମହିପାଲ୍ ଓ ମୟଙ୍କ ଡଗର ଯଥାକ୍ରମେ ୭ଟି ଓ ୫ଟି ୱିକେଟ୍ ନେଇଛନ୍ତି। ତେଣୁ ଫାଇନାଲ୍‌କୁ ଯିବାକୁ ଭାରତ ଏମାନଙ୍କ ଉପରେ ନିର୍ଭର କରିବ।  ଅନ୍ୟପକ୍ଷରେ ଶ୍ରୀଲଙ୍କା ମଧ୍ୟ ଭାରତକୁ ମାତ୍‌ ଦେବାକୁ ସ୍ୱତନ୍ତ୍ର ରଣନୀତି ନେଇ ପଡ଼ିଆକୁ ଓହ୍ଲାଇବ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।