ଅମ୍ପାୟରଙ୍କ ନିଷ୍ପତ୍ତିକୁ ବିରୋଧ କରି ଜାଡେଜା ଭର୍ତ୍ସିତ

ରାଜକୋଟ: ଆଇପିଏଲ୍‌ରେ ଗତକାଲି କିଙ୍ଗ୍ସ ଏକାଦଶ ପଞ୍ଜାବ ବିପକ୍ଷ ମ୍ୟାଚ୍‌ରେ ଅମ୍ପାୟରଙ୍କ ନିଷ୍ପତ୍ତି ଉପରେ ଅସନ୍ତୋଷ ପ୍ରକାଶ କରିବାରୁ ଗୁଜରାଟ ଲାୟନ୍ସର ଅଲ୍‌-ରାଉଣ୍ଡର ରବୀନ୍ଦ୍ର ଜାଡେଜା ଭର୍ତ୍ସିତ ହୋଇଛନ୍ତି। ଅମ୍ପାୟରଙ୍କ ପ୍ରତି ତାଙ୍କର ପ୍ରତିକ୍ରିୟାକୁ ତିରସ୍କାର କରିଛନ୍ତି ମ୍ୟାଚ୍‌ ରେଫରି।

ଆଇପିଏଲ୍‌ ଆୟୋଜକଙ୍କ ପକ୍ଷରୁ ଜାରି କରାଯାଇଥିବା ଏକ ବିବୃତିରେ କୁହାଯାଇଛି,“ଖେଳାଳି ଓ ଅଧିକାରୀମାନଙ୍କ ପାଇଁ ରହିଥିବା ଆଇପିଏଲ୍‌ର ଆଚରଣ ବିଧିର ଧାରା ୨.୧.୫ ଅନୁଯାୟୀ ଜାଡେଜାଙ୍କ ଅପରାଧକୁ ସ୍ତରର ୧ରେ ଅନ୍ତର୍ଭୁକ୍ତ କରାଯାଇଛି। ଆଉ ଏହି ସ୍ତରର ଅପରାଧ ପାଇଁ ମ୍ୟାଚ୍‌ ରେଫରିଙ୍କ ନିଷ୍ପତ୍ତି ଚୂଡ଼ାନ୍ତ।”

ଗତକାଲି ପଞ୍ଜାବ ୨୩ ରନ୍‌ରେ ଗୁଜରାଟ ଲାୟନ୍ସକୁ ପରାସ୍ତ କରି ସେମାନଙ୍କ ବିଜୟ ଧାରାକୁ ରୋକି ଥିଲା।

ଗୁଜରାଟ ୮ଟି ମ୍ୟାଚ୍‌ରୁ ୬ଟି ବିଜୟ ସହିତ ୧୨ ପଏଣ୍ଟ୍ ପାଇଁ ପଏଣ୍ଟ୍ ଟେବୁଲ୍‌ର ଶୀର୍ଷରେ ରହିଥିବା ବେଳେ କିଙ୍ଗ୍ସ ଏକାଦଶ ପଞ୍ଜାବ ୭ଟି ମ୍ୟାଚ୍‌ରୁ ମାତ୍ର ୨ଟିରେ ବିଜୟୀ ହୋଇଛି ଓ ୪ ପଏଣ୍ଟ ସହିତ ଟେବୁଲ୍‌ର ସବୁଠାରୁ ତଳେ ରହିଛି।