ୟୁଏସ ଓପନ୍ ୨୦୧୫: ପ୍ରି-କ୍ୱାଟରରେ ସାନିଆ ମିର୍ଜା, ରୋହନ ବୋପାନ୍ନା

ନ୍ୟୁୟର୍କ: ଭାରତୀୟ ଟେନିସ ଷ୍ଟାର ସାନିଆ ମିର୍ଜା ଓ ରୋହନ ବୋପାନ୍ନା ରବିବାର ୟୁଏସ ଓପନରେ ଖେଳାଯାଇଥିବା ଗୁରୁତ୍ୱପୂର୍ଣ୍ଣ ମ୍ୟାଚରେ ବିଜୟୀ ହୋଇ ପ୍ରି-କ୍ୱାଟରରେ ପ୍ରବେଶ କରିଛନ୍ତି। ଏହି ଦୁଇ ଭାରତୀୟ ଟେନିସ ଷ୍ଟାର ସେମାନଙ୍କ ଗ୍ରୁପରେ ଜିତି ୟୁଏସ ଓପନର ୧୬ ତମ ରାଉଣ୍ଡରେ ପ୍ରବେଶ କରିଛନ୍ତି।

ଟପ ସିଡରେ ସାନିଆ-ହିଙ୍ଗିସ ଯୋଡି ଟିମିଆ ବାସ୍କନାସ୍କି ଓ ଚିଆ-ଜୁଙ୍ଗ ଚୁଆଙ୍ଗ ଯୋଡିକୁ ୬-୧, ୬-୧ ସେଟରେ ହରାଇ ପ୍ରି-କ୍ୱାଟରଫାଇନାଲରେ ପ୍ରବେଶ କରିଛନ୍ତି।

ସାହିପରି ପୁରୁଷ ଡବଲ୍ସରେ ୬ଷ୍ଠ ସିଡରେ ରୋହନ ବୋପାନ୍ନା ଓ ଫ୍ଲୋରିନ୍ ମେର୍ଗିଆ ଯୋଡି ମାରିୟୁଜ୍ ଫାଇଷ୍ଟାଇନ ଓ ସାଣ୍ଟିଆଗୋ ଗୋଞ୍ଜାଲେଜଙ୍କୁ ୬-୩, ୭-୬(୪)ସେଟରେ ପରାସ୍ତ କରି ତୃତୀୟ ପର୍ଯ୍ୟାୟରେ ପହଞ୍ଚିଛନ୍ତି। ଭାରତ-ରୋମାନିଆର ଯୋଡି ୯ମ ସିଡରେ କାନାଡାର ଡାନିଏଲ ନେଷ୍ଟର ଓ ପ୍ରାନ୍ସର ଇ.ଆର. ଭାସେଲିନଙ୍କୁ ଭେଟିବେ।