ଦୁବାଇ: ମହିଳା କ୍ରିକେଟ ପାଇଁ ଖୁସି ଖବର। ପ୍ରଥମଥର ପାଇଁ ମହିଳା କ୍ରିକେଟ ରାଜ୍ୟଗୋଷ୍ଠୀ କ୍ରୀଡ଼ାରେ ସାମିଲ ହେବ। ଆଜି ଆଇସିସି ପକ୍ଷରୁ ଏହି ଘୋଷଣା କରାଯାଇଛି। ଆସନ୍ତାବର୍ଷ ରାଜ୍ୟଗୋଷ୍ଠୀ କ୍ରୀଡ଼ା ଅନୁଷ୍ଠିତ ହେବ। ଆଜି ଆଇସିସି ଓ ରାଜ୍ୟଗୋଷ୍ଠୀ କ୍ରୀଡ଼ା ମହାସଂଘ (ସିଜିଏଫ) ନଭେମ୍ବର ୮ରେ ଯୋଗ୍ୟତା ପର୍ଯ୍ୟାୟ ସମ୍ପର୍କରେ ଘୋଷଣା କରିଛନ୍ତି।
ଏହି କ୍ରୀଡ଼ା ମହାକୁମ୍ଭରେ ୮ଟି ଟିମ୍ ସାମିଲ ହୋଇଥିଲେ। ୨୦୨୨ ଜୁଲାଇ ୨୮ରୁ ଅଗଷ୍ଟ ୮ ଯାଏ ଇଂଲଣ୍ଡରେ ବର୍ମିଂହାମରେ ଏହା ଆୟୋଜିତ ହେବ। ମହିଳା କ୍ରିକେଟ ପ୍ରଥମଥର ପାଇଁ ରାଜ୍ୟଗୋଷ୍ଠୀ କ୍ରୀଡ଼ାରେ ସାମିଲ ହେଉଛି। ଏକାଧିକ କ୍ରୀଡ଼ା ଇଭେଣ୍ଟରେ କ୍ରିକେଟ ଖେଳ ଦ୍ୱିତୀୟ ଥର ପାଇଁ ଦେଖିବାକୁ ମିଳିବ। କାରଣ ୧୯୯୮ରେ କ୍ୱାଲାଲମ୍ପପୁରରେ ଆୟୋଜିତ ମଲ୍ଟି ସ୍ପୋର୍ଟ ଇଭେଣ୍ଟରେ ପୁରୁଷ କ୍ରିକେଟକୁ ସାମିଲ କରାଯାଇଥିଲା।
Women's cricket will be a part of the Commonwealth Games for the first time in the Birmingham 2022 edition 🏏
The ICC has announced a qualification process for the eight-team tournament 📢
Details ⬇️
— ICC (@ICC) November 18, 2020
ରାଜ୍ୟଗୋଷ୍ଠୀ କ୍ରୀଡ଼ାରେ ସାମିଲ ହେବାକୁ ଥିବା ୮ଟି ଟିମ୍ରୁ ୬ଟି ଦଳ ରାଙ୍କିଙ୍ଗ ଅନୁସାରେ ଯୋଗ୍ୟତା ଅର୍ଜନ କରିବେ। ୨୦୨୧ ଏପ୍ରିଲ ୧ ସୁଦ୍ଧା ଟପ୍ ୬ରେ ଥିବା ଦଳଗୁଡ଼ିକ ସିଧାସଳଖ ରାଜ୍ୟଗୋଷ୍ଠୀ କ୍ରୀଡ଼ା ଖେଳିବାକୁ ଅନୁମତି ପାଇବେ। ଆଉ ଦୁଇଟି ଟିମ ଯୋଗ୍ୟତା ପର୍ଯ୍ୟାୟ ମ୍ୟାଚ୍ ଖେଳି ରାଜ୍ୟଗୋଷ୍ଠୀ କ୍ରୀଡ଼ା ଖେଳିବେ। ୨୦୨୨ ଜାନୁଆରୀ ୩୧ ସୁଦ୍ଧା ଏହି ଯୋଗ୍ୟତା ପର୍ଯ୍ୟାୟ ମ୍ୟାଚ୍ ଅନୁଷ୍ଠିତ ହେବାକୁ ସମୟ ଧାର୍ଯ୍ୟ କରାଯାଇଛି।