ଜାକାର୍ତା: ଜାପାନର ଜାକାର୍ତାଠାରେ ଚାଲିଥିବା ୱାର୍ଲ୍ଡ ବ୍ୟାଡମିଣ୍ଟନ୍ ଚାମ୍ପିଅନସିପର କ୍ୱାର୍ଟର ଫାଇନାଲରେ ପହଞ୍ଚିଛନ୍ତି ସାଇନା ନେହୱାଲ୍ ଓ ପିବି ସିନ୍ଧୁ। ସାଇନା ଜାପାନର ସାୟାକା ତାକାହାଶୀଙ୍କୁ ହରାଇ କ୍ୱାର୍ଟର ଫାଇନାଲରେ ପ୍ରବେଶ କରିଥିବା ବେଳେ ସିନ୍ଧୁ ବିଶ୍ୱର ତିନି ନମ୍ବର ଝୁରେଇଙ୍କୁ ହରାଇ ସମସ୍ତଙ୍କୁ ଚକିତ କରି ଦେଇଛନ୍ତି।
ଗୁରୁବାର ଅନୁଷ୍ଠିତ ଏକ ସଂଘର୍ଷପୂର୍ଣ୍ଣ ମ୍ୟାଚରେ ପି.ବି ସିନ୍ଧୁ ଅଲିମ୍ପିକ୍ ଚାମ୍ପିଅନ ତଥା ବିଶ୍ୱର ପୂର୍ବତନ ଏକ ନମ୍ବର ମାନ୍ୟତାପ୍ରାପ୍ତ ଖେଳାଳି ଝୁରେଇଙ୍କୁ ୨୧-୧୭, ୧୪-୨୧ ଓ ୨୧-୧୭ରେ ହରାଇ ଦେଇଥିଲେ। ୨୦୧୩ ଓ ୨୦୧୪ରେ ୱାର୍ଲ୍ଡ ବ୍ୟାଡମିଣ୍ଟନ ଚାମ୍ପିଅନସିପରେ ବ୍ରୋଞ୍ଜ୍ ପଦକ ଜିତିଥିବା ସିନ୍ଧୁ କ୍ୱାର୍ଟର ଫାଇନାଲରେ ବିଶ୍ୱର ଆଠ ନମ୍ବର ମାନ୍ୟତାପ୍ରାପ୍ତ ଦକ୍ଷିଣ କୋରିଆର ସୁଙ୍କ୍ ଜି ହ୍ୟୁନଙ୍କୁ ଭେଟିବେ। ଯଦି ସେ କ୍ୱାର୍ଟର ଫାଇନାଲ୍ ଜିତି ଯାଆନ୍ତି, ତା’ହେଲେ ସେ ଏହି ଚାମ୍ପିଅନସିପରେ ନିଜ ପାଇଁ ବ୍ରୋଞ୍ଜ ପଦକଟିଏ ନିଶ୍ଚିତ କରିପାରିବେ।
ସେହିଭଳି ସାଇନା ୧୪ ନମ୍ବର ମାନ୍ୟତାପ୍ରାପ୍ତ ତଥା ଜାପାନର ସାୟାକା ତାକାହାଶୀଙ୍କୁ ୨୧-୧୮, ୨୧-୧୪ରେ ହରାଇ ଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
