ଭୁବନେଶ୍ୱର (ଓଡ଼ିଶା ରିପୋର୍ଟର): ଭାରତୀୟ ଲେଗ୍ ସ୍ପିନର ୱଜବିନ୍ଦର ଚହଲ ନ୍ୟୁଜିଲାଣ୍ଡ ବିପକ୍ଷରେ ବୋଲିଂରେ କିଛି କମାଲ କରିପାରିନଥିଲେ। ହେଲେ ତାଙ୍କର ଅନ୍ୟ ଏକ ଦକ୍ଷତା ବଳରେ ସେ ନ୍ୟୁଜିଲାଣ୍ଡକୁ ମାତ୍ ଦେଇଦେଇଛନ୍ତି। ଏହି ଦକ୍ଷତା ବିଷୟରେ ହୁଏତ ବହୁତ କମ ଲୋକଙ୍କୁ ଜଣାଥିବ। ଶେଷ ଟି-ଟ୍ୱେଣ୍ଟି ମ୍ୟାଚ୍ ଖେଳିବା ପାଇଁ ଭାରତ ଓ ନ୍ୟୁଜିଲାଣ୍ଡର ଖେଳାଳି ଥିରୁଅନନ୍ତପୁରମ୍ ଯାତ୍ରା କରୁଥିବା ସମୟରେ ଚହଲ ତାଙ୍କର ଦକ୍ଷତା ଦେଖାଇଥିଲେ। ବିମାନରେ ଭାରତୀୟ ବୋଲର ଚହଲ ଓ ନ୍ୟୁଜିଲାଣ୍ଡ ବୋଲର ସୋଧୀଙ୍କ ମଧ୍ୟରେ ଏକ ଚେସ୍ ପ୍ରତିଯୋଗିତା ଦେଖିବାକୁ ମିଳିଥିଲା। ଯେଉଁଥିରେ ଚହଲ ଦୁଇ ଦୁଇ ଥର ନ୍ୟୁଜିଲାଣ୍ଡ ବୋଲର ସୋଧୀଙ୍କୁ ପରାସ୍ତ କରିଥିଲେ। ପ୍ରଥମ ମ୍ୟାଚରେ ଚହଲ ବିଜୟୀ ହେବା ପରେ ଆଉଥରେ ମଧ୍ୟ ଏହି ଦୁଇଜଣଙ୍କ ମଧ୍ୟରେ ମ୍ୟାଚ୍ ଖେଳାଯାଇଥିଲା। ଦ୍ୱିତୀୟ ମ୍ୟାଚରେ ମଧ୍ୟ ଚହଲ ସୋଧୀଙ୍କୁ ମାତ୍ ଦେଇଥିଲେ। ପୂର୍ବରୁ ଚହଲ ଜଣେ ଜାତୀୟ ଚେସ୍ ଖେଳାଳି ଥିଲେ। ଏବଂ ଜୁନିୟର ଲେବଲ୍ରେ ଭାରତରୁ ପ୍ରତିନିଧିତ୍ୱ ମଧ୍ୟ କରିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
