ରାଜ୍ୟ ରାଜନୀତିର ୧୮ ଚ୍ୟାଲେଞ୍ଜ: କେମିତି କରିବେ ମୁକାବିଲା ?

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ୨୦୧୮ରେ ଓଡିଶାରେ ଦେଖିବାକୁ ମିଳିବ ଭିନ୍ନ ଏକ ରାଜନୀତି। ୨୦୧୯ ସାଧାରଣ ଓ ବିଧାନସଭା ନିର୍ବାଚନର ଫାଇନାଲ ଖେଳିବା ପୂର୍ବରୁ ରାଜ୍ୟର ୩ ପ୍ରମୁଖ ରାଜନୈତିକ ଦଳଙ୍କୁ ୨୦୧୮ରେ ସେମିଫାଇନାଲ ଖେଳିବାକୁ ପଡିବ। ସବୁ ଦଳର ହେଭିୱେଟ୍&zwnj; ଖାସକରି ନବୀନ, ଧର୍ମେନ୍ଦ୍ର ଏବଂ ପ୍ରସାଦଙ୍କ ପାଇଁ ଚ୍ୟାଲେଞ୍ଜ ଭରା ରହିବ ରାଜ୍ୟ ରାଜନୀତି। ଏ ତିନିଙ୍କ ପାଇଁ ୨୦୧୮ରେ ଥିବା ୧୮ଟି ଚ୍ୟାଲେଞ୍ଜକୁ ନେଇ ଓଡ଼ିଶା ରିପୋର୍ଟରର ବିଶେଷ ଉପସ୍ଥାପନା।</p><p>&lt;span style=&quot;color: #ff0000;&quot;&gt;ବିଜେଡି:&lt;/span&gt; ୧୮ ବର୍ଷର ଅପରାଜେୟ ନେତା ନବୀନ ପଟ୍ଟନାୟକଙ୍କ ପାଇଁ ବର୍ଷ ୨୦୧୮ ଆଣିବ ଅନେକ ଚ୍ୟାଲେଞ୍ଜ।</p><p>୧. ଦଳ ଭିତରେ ଥିବା ଅର୍ନ୍ତଦ୍ୱନ୍ଦ ଦୂର। ବିଶେଷ କରି ବିଧାୟକଙ୍କ ବିରୋଧରେ ନିଜ ନିର୍ବାଚନ ମଣ୍ଡଳୀରେ ନେତାଙ୍କ ମନରେ ଥିବା ଅସନ୍ତୋଷ ନବୀନଙ୍କୁ ୧୮ରେ ଅଠାକାଠିରେ ପକାଇପାରେ।</p><p>୨. ସରକାରୀ ବିରୋଧୀ ହାୱାର ଗତି। ୧୮ ବର୍ଷର ଶାସନ କାଳରେ ଅନେକ ପ୍ରସଙ୍ଗରେ ଲୋକଙ୍କ ମନରେ ସରାକରଙ୍କ ବିରୋଧରେ ଅସନ୍ତୋଷ ସୃଷ୍ଟି ହୋଇଛି। ଏ ହାୱା ୧୮ରେ&nbsp; ବେଶି ଅଡୁଆ ଆଣିପାରେ।</p><p>୩. ୧୧୭ ବିଧାୟକଙ୍କ ଭିତରୁ ୨୦୧୯ ନିର୍ବାଚନରେ କାହାକୁ ରଖିବେ କାହାକୁ ଛାଡିବେ ନୀବନଙ୍କ ପାଇଁ ଚ୍ୟାଲେଞ୍ଜ ହେବ। ସେଥିପାଇଁ ୧୮ରେ ହିଁ ଏକ୍ସସରସାଇଜ କରିବାକୁ ପଡିବ।</p><p>୪. ନିଜେ ଘୋଷଣା କରିଥିବା ବା କରିବାକୁ ଥିବା ଯୋଜନା ଗୁଡିକର ସଫଳ ରୂପାୟନ କରିବା ଯୋଜନାଗୁଡ଼ିକ ଯଦି ଲୋକଙ୍କ ପାଖକୁ ନ ଯାଇ ବାଟବଣା ହୁଏ ତେବେ ନିର୍ବାଚନ ବେଳ ବୁମେରାଂ ହୋଇପାରେ।</p><p>୫. ବ୍ରାଣ୍ଡ ନବୀନକୁ ଆଗକୁ ନେଇ ଭାବମୁର୍ତ୍ତି ଅକ୍ଷୁର୍ଣ୍ଣ ରଖିବା।</p><p>୬. ନବୀନ ସ୍ପଷ୍ଟ ଓଡିଆ କହିବା ଓ ବିନା ଟେଲି ପ୍ରମ୍ପଟରରେ ଭାଷଣ ଦେବା ବି ଚ୍ୟାଲେଞ୍ଜ ହେବ।</p><p>&lt;span style=&quot;color: #ff0000;&quot;&gt;ବିଜେପି:&lt;/span&gt; ବିଜେଡିକୁ ଟକ୍କର ଦେଇ ରାଜ୍ୟରେ ବଢୁଥିବା ବିଜେପିର ଏକ ନମ୍ବର ନେତା ଧର୍ମେନ୍ଦ୍ରଙ୍କ ପାଇଁ ବି ୨୦୧୮ କିଛି କମ ଚ୍ୟାଲେଞ୍ଜ ଭରା ରହିବ ନାହିଁ।</p><p>୧. ଦଳ ଭିତରେ ଅନ୍ତଦ୍ୱନ୍ଦ ଦୂର ହେବ ବଡ ଚ୍ୟାଲେଞ୍ଜ। କାରଣ ୧୮ରେ ସଂଗଠନ ମଜବୁତ ନ ହେଲେ ସବୁ ଦମ୍ଭ ଫେଲ ମାରିବ।</p><p>୨. ବ୍ରାଣ୍ଡ ମୋଦିଙ୍କୁ ପ୍ରତିଟି ଓଡିଆଙ୍କ ପାଖରେ ପହଁଞ୍ଚାଇବା ଓ କେନ୍ଦ୍ରୀୟ ଯୋଜନାର ଲାଭ ଓଡିଶା କେତେ ପାଉଛି ଲୋକଙ୍କୁ ଜଣାଇବା।</p><p>୩. ଅନ୍ୟ ଦଳରୁ ଆମଦାନୀ କରିଥିବା ନେତାଙ୍କୁ ତୁଷ୍ଟିକରଣ। ପଞ୍ଚାୟତ ଫଳାଫଳ ପରେ ଦଳକୁ ଆସିଥିବା ୩୦ରୁ ଅଧିକ ନେତା ଓ ଆଗକୁ ଆସିବାକୁ ଥିବା ନେତାଙ୍କୁ ସନ୍ତୁଷ୍ଟ କରିବା&nbsp; କାଠିକର ପାଠ ହେବ।</p><p>୪. ବିଜୟ ଓ ଦିଲୀପଙ୍କ ପାଇଁ ୨୦୧୮ରେ ଅଠାକାଠିରେ ପଡି ପାରନ୍ତି ଧର୍ମେନ୍ଦ୍ର।</p><p>୫. ନିଜେ କେଉଁ ବିଧାନସଭା ଆସନରୁ ଲଢିବେ ସେ ନେଇ ଥିବା ଦ୍ୱନ୍ଦ୍ୱ ଦୂର କରିବାକୁ ପଡିବ ଧର୍ମେନ୍ଦ୍ରଙ୍କୁ। କିଛିଦିନ ତଳେ ୨୦୧୯ ନିର୍ବାଚନରେ ଲଢିବାର ଦମ୍ଭ ଦେଖାଇଥିବା ଧର୍ମେନ୍ଦ୍ର&nbsp; ମଇଦାନକୁ ନ ଓହ୍ଲେଇଲେ ବିରୋଧୀଙ୍କ ଆଖିରେ ମିଛୁଆ ରାଧୁଆ ହୋଇଯିବେ।</p><p>୬. ରାଜ୍ୟ ସରକାରଙ୍କ ବିରୋଧରେ ଥିବା ହାୱାର ଫାଇଦା ନେବା। ଅନେକ ପ୍ରସଙ୍ଗକୁ ନେଇ ଦଳ ରାସ୍ତାକୁ ଓହ୍ଲାଉଥିଲେ ବି ନେତା କାହାକୁ ଅସ୍ତ୍ର କରିବ, ତାହା ସହଜ ହେବନି।</p><p>&lt;span style=&quot;color: #ff0000;&quot;&gt;କଂଗ୍ରେସ:&lt;/span&gt; ୧ ନମ୍ବରରୁ ଦୁଇ ନମ୍ବର ଏବେ ୩ ନମ୍ବରକୁ ଖସି ଆସିଥିବା ସର୍ବପୂରାତନ ଦଳ କଂଗ୍ରେସ ପାଇଁ ୨୦୧୮ ସବୁଠାରୁ ଅଧିକ ଚ୍ୟାଲେଞ୍ଜ ଭରା ରହିବ।</p><p>୧. ପିସିସି ମୁଖିଆଙ୍କ ପାଇଁ ଗାଦି ସୁରକ୍ଷିତ ରଖିବା ବଡ ଚ୍ୟାଲେଞ୍ଜ ରହିବ।</p><p>୨. ବର୍ଷ ଶେଷରେ ପ୍ରସାଦ ପୁଣି ଦୋହରାଇଥିବା &lsquo;ମୁଁ ନୁହେଁ ଆମେ&rsquo; ନାରାକୁ କାମରେ କରି ଦେଖାଇବା ବି ଚ୍ୟାଲେଞ୍ଜ ହେବ।</p><p>୩. କଂଗ୍ରେସର ପାରମ୍ପରିକ ଭୋଟ ବ୍ୟାଙ୍କକୁ ଅକ୍ଷୁର୍ଣ୍ଣ ରଖିବା। ପଞ୍ଚାୟତ ନିର୍ବାଚନରେରେ ଲୋକ ମୁହଁ ଫେରାଇ ନେଥିବା ବେଳେ ଏବେ ରାହୁଲଙ୍କ ଆଶା ପୂରଣ କରିବାର ପ୍ରସାଦଙ୍କ ପାଇଁ ଆହ୍ୱାନ।</p><p>୪. ପ୍ରସାଦ ମଙ୍ଗ ଧରିବା ପରେ ଅନେକ ନେତା କଂଗ୍ରେସର ହାତ ଛାଡିଲେଣି। ଦଳ ଛାଡୁଥିବା ନେତାଙ୍କୁ ମନେଇବା ମଧ୍ୟ ତାଙ୍କ ପାଇଁ ଚ୍ୟାଲେଞ୍ଜ ହେବ।</p><p>୫. କଂଗ୍ରେସ ଯେ ବିକଳ୍ପ ହୋଇ ଉଭା ହେବ ଲୋକଙ୍କ ମନରେ ସେ ବିଶ୍ୱାସ ଫେରାଇ ଆଣିବା।</p><p>୬. କେନ୍ଦ୍ର ଓ ରାଜ୍ୟ ସରକାରଙ୍କ ବିରୋଧରେ ଥିବା ପ୍ରସଙ୍ଗକୁ ଲୋକଙ୍କ ପାଖକୁ ନେବା ବି ୧୮ରେ ନେତାଙ୍କ ପାଇଁ ଚ୍ୟାଲେଞ୍ଜ ହେବ।</p><p>୨୦୧୮ର ଚ୍ୟାଲେଞ୍ଜକୁ ନେଇ କ&rsquo;ଣ କହୁଛନ୍ତି ତିନି ଦଳର ନେତା ଦେଖନ୍ତୁ ଏ ଭିଡିଓ।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।