ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର: ଓଲିଉଡ୍‌ର ଜଣାଶୁଣା ଅଭିନେତା ମୀନକେତନ ଦାସଙ୍କ ପରଲୋକ ହୋଇଯାଇଛି। ଗତକାଲି ବିଳମ୍ବିତ ରାତିରେ ଭୁବନେଶ୍ୱର ସ୍ଥିତ ବାସଭବନରେ ସେ ଶେଷ ନିଶ୍ୱାସ ତ୍ୟାଗ କରିଥିଲେ। ସେ ଦୀର୍ଘ ଦିନ ଧରି କ୍ୟାନସରରେ ପୀଡ଼ିତ ଥିଲେ। ଚିକିତ୍ସା କରିବା ପାଇଁ ତାଙ୍କୁ ମୁମ୍ବାଇ ମଧ୍ୟ ନିଆଯାଇଥିଲା। ପାନକ୍ରିଆଟିକ୍ କ୍ୟାନସରରେ ପୀଡିତ ହୋଇ ସେ ପ୍ରଥମେ ଭୁବନେଶ୍ୱରରେ ଏକ ଘରୋଇ ହସ୍ପିଟାଲରେ ଭର୍ତ୍ତି ହୋଇଥିଲେ। ସେଠାରେ ତାଙ୍କର ଅଲଟ୍ରାସାଉଣ୍ଡ ଓ ଏଣ୍ଡୋସ୍କୋପି ଟେଷ୍ଟ କରାଯିବା ପରେ ଶରୀରରୁ ଅତ୍ୟଧିକ ସୋଡିୟମ କ୍ଷରଣ ହେଉଥିବା ଜଣାପଡିଥିଲା। ପରେ ସେ କ୍ୟାନସରରେ ପୀଡିତ ହୋଇଥିବା ଜଣାପଡିବାରୁ ମୁମ୍ବାଇକୁ ସ୍ଥାନାନ୍ତରିତ କରାଯାଇଥିଲା। ପରେ ସେଠାରୁ ଭୁବନେଶ୍ୱର ସ୍ଥିତ ଏକ ଘରୋଇ ହସ୍‌ପିଟାଲ୍‌ରେ ତାଙ୍କୁ ଭର୍ତ୍ତି କରାଯାଇଥିଲା।</p> <p>[vc_video link=" " align="center"]</p> <p>&nbsp;</p> <p>ସେ ଥିଲେ ଉଭୟ ସିନେମା ଓ ଯାତ୍ରା ଜଗତରେ ଏକ ଲୋକପ୍ରିୟ ତଥା ଚର୍ଚ୍ଚିତ ଚେହେରା। ସେ ଓଲିଉଡ୍‌ର ବ୍ୟାଡମ୍ୟାନ୍ ଭାବେ ମଧ୍ୟ ପରିଚିତ ଥିଲେ।ମୀନକେତ ଉତ୍କଳ ସଙ୍ଗୀତ ମହାବିଦ୍ୟାଳୟର ନାଟକ ବିଭାଗର ଛାତ୍ର ଥିଲେ। ତାଙ୍କର ପ୍ରଥମ ଓଡ଼ିଆ ଫିଲ୍ମ ହେଉଛି ଗଙ୍ଗଶିଉଳି। ଏଥିରେ ସେ ଭିଲିଆନ ଭୂମିକାରେ ଆସିଥିଲେ। ଦୁଇ ଦଶନ୍ଧି ହେଲାଣି ସେ ଓଲିଉଡ୍‌ରେ ସକ୍ରିୟ ଥିଲେ। ଅନେକ ଯାତ୍ରାରେ ମଧ୍ୟ ସେ ନିର୍ଦ୍ଦେଶନା ଦେଇଛନ୍ତି।</p> <p>ତାଙ୍କ ମୃତ୍ୟୁରେ ଓଲିଉଡ୍‌ର ଅନେକ ଅଭିନେତା ଶୋକପ୍ରକାଶ କରିଛନ୍ତି। ଅଭିନେତା ଜର୍ଜ ତିଆଡ଼ି କହିଛନ୍ତି ଯେ ଏହା ଓଲିଉଡ଼ ପାଇଁ ଏକ ଅପୂରଣୀୟ କ୍ଷତି। ସେହିପରି ଜଣାଶୁଣା ଯାତ୍ରା କଳାକାର ଦୈତାରୀ ପଣ୍ଡା ତାଙ୍କ ପରଲୋକରେ ଦୁଃଖ ପ୍ରକାଶ କରିଛନ୍ତି। ଯାତ୍ରା ଜଗତ ତାଙ୍କୁ ଝୁରିବ ବୋଲି ସେ କହିଛନ୍ତି।</p> <p>ସେହିପରି ଅଭିନେତା ମୀନକେତନ ଦାସଙ୍କ ପରଲୋକରେ ଶୋକ ପ୍ରକାଶ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଓଡ଼ିଆ ସିନେମା ଜଗତ ପ୍ରତି ଏହା ଅପୂରଣୀୟ କ୍ଷତି ବୋଲି ମୁଖ୍ୟମନ୍ତ୍ରୀ ଟ୍ୱିଟ୍‌ ଯୋଗେ ଶୋକ ବାର୍ତ୍ତା ଦେଇଛନ୍ତି। ଏଥିସହ ତାଙ୍କ ଶୋକ ସନ୍ତପ୍ତ ପରିବାର ପ୍ରତି ଗଭୀର ସମବେଦନା ଜଣାଇଛନ୍ତି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
