ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>[vc_video link="" align="center"]</p> <p>ଭୁବନେଶ୍ୱର: କଟକ ଜିଲ୍ଲା ନିଆଳିରେ ମାତିଛି କିଏ ? କିଏ ଖାଇଯାଉଛି ମେଣ୍ଢା କଲିଜା। ତାହା କଣ ଏକ ଜଙ୍ଗଲୀ ଜନ୍ତୁ। ତାହା ଦେଖିବାକୁ କେମିତି? କେବଳ ନିଆଳିରେ ନୁହେଁ, ସାରା ରାଜ୍ୟରେ ଏମିତି କେତେ ପ୍ରଶ୍ନକୁ ନେଇ ଚାଲିଛି ଚର୍ଚ୍ଚା। ହେଲେ ସ୍ଥାନୀୟ ଅଂଚଳରେ ଚର୍ଚ୍ଚା ଓ ଆତଙ୍କ ଥମୁନି। ଗତ କିଛିଦିନ ଧରି ନିଆଳିରେ ମେଣ୍ଢା ମଡ଼କକୁ ନେଇ ସ୍ଥାନୀୟ ଲୋକଙ୍କ ନିଦ ହଜି ଯାଇଛି। ଭୟ ଆତଙ୍କ ମଧ୍ୟରେ ଦିନ କାଟୁଛନ୍ତି ଗାଁ ଲୋକେ। ଏହାକୁ ନେଇ ସାରା ରାଜ୍ୟରେ ଚାଲିଛି ଆଲୋଚନା ପର୍ଯ୍ୟାଲୋଚନା।</p> <p>ଜୀବଟି କେମିତିକା ତାହା ଏଯାଏଁ ସ୍ପଷ୍ଟ ହୋଇ ନଥିଲା ବେଳେ, ସୋସିଆଲ୍ ମିଡିଆରେ ଭାଇରାଲ୍ ହେବାରେ ଲାଗିଛି ଗୋଟିଏ ପରେ ଗୋଟିଏ ଭିଡିଓ । ଅନ୍ୟପକ୍ଷରେ ଏହାକୁ କେହି କେହି ଗଧିଆ, ହେଟାବାଘ ଏବଂ ଭୂତପ୍ରେତର ରୂପ ଦେଉଛନ୍ତି। ପରିସ୍ଥିତି ଅଣାୟତ୍ତ ହେବାପରେ ପ୍ରଶାସନ ମୁହଁ ଖୋଲିଥିଲା। କହିଥିଲା ଆଉ କେହି ନୁହଁ ନିଆଳରି ଏକ ବଡ଼ ଜନ୍ତୁ ଏମିତି କାଣ୍ଡ ଘଟାଉଛି। ତେବେ ଏହାକୁ ଖୋଜିବା ପାଇଁ ପ୍ରଶାସନ ପକ୍ଷରୁ ଏକ ଟିମ୍‌ ଗଠନ କରାଯାଇଥିଲେ ମଧ୍ୟ ସୁରାକ୍‌ ମିଳିନାହିଁ।</p> <p>ସମ୍ପୂର୍ଣ୍ଣ ରହସ୍ୟରୁ ପରଦା ହଟି ନ ଥିବା ବେଳେ ଏବେ ଆଉ ଏକ ଭିଡିଓ ସୋସିଆଲ୍ ମିଡିଆରେ ଭାଇରାଲ ହୋଇଛି। (ଭିଡ଼ିଓ ଦେଖନ୍ତୁ) ଭାଇରାଲ ହୋଇଥିବା ଭିଡିଓରେ ଏକ ଶିଆଳ ଦୃଶ୍ୟମାନ ହେଉଛି। ଏପରିକି ଏହି ଶିଆଳଟି କିଛି ଖାଉଥିବା ମଧ୍ୟ ଦେଖାଯାଉଛି। ନିଆଳିରେ ମାତିଥିବା ଜୀବଟି ଯେ ଏଇ ଜନ୍ତୁ ତାହା ସ୍ପଷ୍ଟ ହୋଇନାହିଁ। ତେବେ ଘଟଣାର ଅନୁଧ୍ୟାନ କରିଥିବା ଆନିମାଲ ଡିଜିଜ୍‌ ରିସର୍ଚ୍ଚ ଇଷ୍ଟିଚ୍ୟୁଟ୍‌ର ଯୁଗ୍ମନିର୍ଦ୍ଦେଶକ (ଏଡିଆରଆଇ)ର ଏଲ.ଏନ. ବେହେରା କହିଛନ୍ତି ଯେ, ପାରିପାର୍ଶ୍ବିକ ସ୍ଥିତିରୁ ଏହା ବନ୍ୟଜନ୍ତୁ ବୋଲି ସନ୍ଦେହ କରାଯାଉଛି। ଯେଉଁସବୁ ସ୍ଥାନରେ ଏଭଳି ଘଟଣା ଘଟୁଛି ସେଠାରେ ଜନବସତିଠାରୁ ଗୁହାଳ ଦୂରରେ ରହିଛି। ଆଉ ଗୁହାଳ ପାଖାପାଖି ଜଙ୍ଗଲ ରହିଛି। ତେଣୁ କୌଣସି ବନ୍ୟଜନ୍ତୁ ମେଣ୍ଢା ଖାଇଥାଇ ପାରେ ବୋଲି ସେ କହିଛନ୍ତି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
