ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର: କେମିତି ଥିଲା ଐତିହାସିକ କଳିଙ୍ଗ ଯୁଦ୍ଧର ଚିତ୍ର । କିପରି ଚଣ୍ଡାଶୋକରୁ ଧର୍ମାଶୋକରେ ପରିଣତ ହୋଇଥିଲେ ସମ୍ରାଟ୍‌ ଅଶୋକ। କିଭଳି ସମ୍ରାଟ ଅଶୋକଙ୍କ ପଥର ହୃଦୟ ତରଳି ଯାଇଥିଲା। ଏସବୁର ଗୋଟି ଗୋଟି ଝଲକ ଦେଖିବାକୁ ମିଳିବ ଏସିଆନ୍‌ ଆଥଲେଟିକ୍‌ ଉଦ୍‌ଘାଟନୀ ଉତ୍ସବରେ। ଭୁବନେଶ୍ୱରର କଳିଙ୍ଗ ଷ୍ଟାଡିୟମରେ ଏମିତି କିଛି ଦୃଶ୍ୟ ରୋମାଞ୍ଚ ସୃଷ୍ଟି କରିବ। ନୃତ୍ୟରେ ନୃତ୍ୟରେ କଳିଙ୍ଗ ଯୁଦ୍ଧର ଚିତ୍ରକୁ ବଖାଣିବେ ଶିଳ୍ପୀମାନେ। ଏହାଛଡ଼ା ବୈଦ୍ଧ ଧର୍ମ ପଚାରର ବାର୍ତ୍ତା ଓ କୋଣାର୍କ ନୃତ୍ୟ ନାଟିକା ଦେଖିବାକୁ ମିଳିବ। ପାଦରେ ଘୁଙ୍ଗୁର ବାନ୍ଧି ନୃତ୍ୟ ପରିବେଷଣ କରିବେ ୪୬୦ ଜଣ ଛାତ୍ରୀଛାତ୍ରୀ। ଏଥିରେ ଦେଶବିଦେଶର କଳାକାର ମଧ୍ୟ ଅଭିନୟ କରିବେ। ଏହାକୁ ନିର୍ଦ୍ଦେଶନା ଦେଉଛନ୍ତି ବିଶିଷ୍ଟ ଓଡ଼ିଶୀ ନୃତ୍ୟଶିଳ୍ପୀ ଅରୁଣା ମହାନ୍ତି।</p> <p>ଅରୁଣା କୁହନ୍ତି “କାର୍ଯ୍ୟକ୍ରମରେ ଯେପରି କିଛି ତ୍ରୁଟି ନହେବ ସେଥିପ୍ରତି ଦୃଷ୍ଟି ଦେଇ ଆମେ ଦିନରାତି ଏକ କରି ପରିଶ୍ରମ କରୁଛୁ। ସବୁକିଛି ଜଗନ୍ନାଥଙ୍କ ଉପରେ ଛାଡ଼ିଦେଇଛୁ। ସେ ଚାହିଁଲେ ସବୁ ସୁଧାରିଦେବେ।”</p> <p>ଆର୍ଜେଣ୍ଟିନା ବାସିନ୍ଦା ଓଡ଼ିଶୀ ନୃତ୍ୟଶିଳ୍ପୀ ଆନନ୍ଦିନୀ କହିଛନ୍ତି “ଜଗନ୍ନାଥଙ୍କ ଦେଶରେ ଏପରି କାର୍ଯ୍ୟକ୍ରମରେ ମୋତେ ସାମିଲ କରାଯାଇଥିବାରୁ ମୁଁ ନିଜକୁ ଧନ୍ୟ ମନେ କରୁଛି। ସ୍ୱଳ୍ପ ସମୟ ମଧ୍ୟ ଅଭ୍ୟାସ କରୁଛି।”</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
