ରିଲ୍‌ ନୁହଁ ରିଏଲ: ବାବୁସାନ ସାଜିଲେ ନ୍ୟୁଜ୍‌ ଆଙ୍କର

ଭୁବନେଶ୍ୱର:ଲାଇଟ୍‌ କ୍ୟାମେରା ଆକ୍ସନ ଥିଲା। ହେଲେ ଡାଇଲଗ ନ ଥିଲା। ରିଟେକ୍‌ ନେବାର ସୁଯୋଗ ନ ଥିଲା।  ନ ଥିଲା କିଛି ମନଗଢା କାହାଣୀ। ସବୁକିଛି ଥିଲା ସତସତିଆ। ଏମିତି ଏକ ବିରଳ ଦୃଶ୍ୟରେ ଆଜି ଟିଭି ଚାନେଲରେ ଉଭା ହୋଇଥିଲେ ଓଲିଉଡ୍‌ର ଚକୋଲେଟ୍‌ ବୟ ବାବୁସାନ। ଗତକାଲି ସୁପରଷ୍ଟାର ଅନୁଭବ ମହାନ୍ତି ଓଟିଭିରେ ନ୍ୟୁଜ ପରିବେଷଣ କରିବା ପରେ ଆଜି ବାବୁସାନ ନ୍ୟୁଜ ଆଙ୍କର ସାଜିଥିଲେ।

 

ରୂପେଲି ପରଦାରେ ହଇଚଇ କରୁଥିବା ବାବୁସାନଙ୍କ ନ୍ୟୁଜ୍‌ ପଢିବା ଶୈଳୀ ଖୁବ୍‌ ଚମତ୍କାର ଥିଲା। ଓଲିଉଡ୍‌ ଜଗତର ଏହି ଚର୍ଚ୍ଚିତ ଅଭିନେତାଙ୍କର କିନ୍ତୁ ଅଭିନୟର ଛାପ ନ ଥିଲା।  ରଜ ଅବସରରେ ତରଙ୍ଗସିନେ ପ୍ରଡକ୍ସନ୍ସ ବାବୁସାନଙ୍କ ଅଭିନୀତ ‘ଶିଷ୍ଟର ଶ୍ରୀଦେବୀ’ ରିଲିଜ୍‌ ହୋଇଥିବା ଅବସରରେ ସେ ଓଟିଭି ନ୍ୟୁଜ୍‌ ଚାନେଲକୁ ଆସିଥିଲେ। ଏହିପରିପ୍ରକ୍ଷୀରେ ‘ଶିଷ୍ଟର ଶ୍ରୀଦେବୀ’ରେ ନିଜର ଅଭିନୟର ଅଭିଜ୍ଞତା ବଖାଣିବା ସହ କିଛି ମୁହୂର୍ତ୍ତ ପାଇଁ ନ୍ୟୁଜ୍‌ଆଙ୍କର ନଜରରେ ଆସିଥିଲେ। ଏହାରିଭିତରେ ସେ ନିଜ ଫିଲ୍ମର ପ୍ରମୋଶନ କରିଥିଲେ। ଖବର ପଢିବା ବେଳେ ସେ କିଛିଟା ନର୍ଭସ ଥିବା କହିଥିଲେ। ପରେ ଓଟିଭିର ଟିମ୍‌ ସଦସ୍ୟଙ୍କ ସହ ଭାବବିନିମୟ କରିଥିଲେ ଏବଂ ସମସ୍ତଙ୍କୁ ଶୁଭେଚ୍ଛା ଜଣାଥିଲେ।