ଡେରିରେ ପହଞ୍ଚିଲା ଆମ୍ୱୁଲାନ୍ସ: ପଞ୍ଚାୟତ ଅଫିସରେ ପିଲା ଜନ୍ମ କଲେ ପ୍ରସୂତି

<p>ନାରାୟଣପାଟଣା: ପୁଣି ଦେଖିବାକୁ ମିଳିଛି ସ୍ୱାସ୍ଥ୍ୟ ସେବାର ନଗ୍ନ ଚିତ୍ର। ପ୍ରସୂତି ମହିଳାଙ୍କ ପାଇଁ ସରକାର ଅନେକ ଯୋଜନା କରୁଛନ୍ତି ହେଲେ ଉପଯୁକ୍ତ ସ୍ୱାସ୍ଥ୍ୟ ସେବା ପାଇବାରୁ ବଞ୍ଚିତ ହେଉଛନ୍ତି&nbsp; ମା&rsquo; ଓ ନବଜାତ ଶିଶୁ। କେଉଁଠି ପ୍ରସୂତି ମହିଳାଙ୍କୁ ଖଡ଼ିଆ କିମ୍ୱା ଝୁଡିରେ ବୁହା ହୋଇ ହସ୍ପିଟାଲ ନିଆ ଯାଉଛି ତ ଆଉ କେଉଁଠି ଆମ୍ୱୁଲାନ୍ସ ଠିକ୍ ସମୟରେ ଆସି ନ ପହଞ୍ଚିବାରୁ ବିଚ୍&zwnj; ରାସ୍ତାରେ ପ୍ରସବ କରୁଛନ୍ତି ମହିଳା। ଏଭଳି ଏକ ଅଭିଯୋଗ ଆସିଛି ଆଦିବାସୀ ଅଧ୍ୟୁକ୍ଷିତ କୋରାପୁଟ ଜିଲ୍ଲା ନାରାୟଣପାଟଣା ବ୍ଲକ୍ ପଡ଼ାପଦର ପଞ୍ଚାୟତରୁ।</p> <p>[vc_video link=&quot;&quot; align=&quot;center&quot;]</p> <p>ଆମ୍ବୁଲାନ୍ସ ସଠିକ୍ ସମୟରେ ଆସି ନ ପହଞ୍ଚିବାରୁ ଶେଷରେ ପଡ଼ାପଦର ପଞ୍ଚାୟତ କାର୍ଯ୍ୟାଳୟରେ ଜଣେ ମହିଳା ପ୍ରସବ କରିଛନ୍ତି। ସେ ଏକ ଶିଶୁ କନ୍ୟାକୁ ଜନ୍ମ ଦେଇଛନ୍ତି। ମହିଳା ଜଣକ ହେଲେ ଗାଁର ୱାଡେକା ଭୀମାଙ୍କ ସ୍ତ୍ରୀ ଧାନ ୱାଡେକା।</p> <p>ଧାନଙ୍କ ପ୍ରସବ ବେଦନା ହେବାରୁ ଭୋରରେ ଆସି ପଞ୍ଚାୟତ କାର୍ଯ୍ୟାଳୟ ପହଞ୍ଚିଥିଲେ। ସେଠାରୁ ସେମାନେ ୧୦୨ ଆମ୍ବୁଲାନ୍ସକୁ ଫୋନ କରିଥିଲେ। କିନ୍ତୁ ସଠିକ୍ ସମୟରେ ଆମ୍ବୁଲାନ୍ସ &nbsp;ଆସିନଥିଲା। ଫଳରେ ଧାନ ପଞ୍ଚାୟତ କାର୍ଯ୍ୟାଳୟରେ ପିଲା ଜନ୍ମ କରିଥିଲେ ।</p> <p>ଏହାର କିଛି ସମୟ ପରେ ଆମ୍ବୁଲାନ୍ସ ପହଞ୍ଚିବା ପରେ ଉଭୟ ମା&rsquo; ଓ ଶିଶୁକନ୍ୟାକୁ ନିକଟସ୍ଥ ଏକ ମେଡ଼ିକାଲକୁ ନିଆଯାଇଥିଲା।</p> <p>ଅନ୍ୟପକ୍ଷରେ ଅଭିଯୋଗକୁ ୧୦୨ ଆମ୍ୱୁଲାନ୍ସ କର୍ତ୍ତୃପକ୍ଷ ଖଣ୍ଡନ କରିଛନ୍ତି। ୧୦୨ କର୍ତ୍ତୃପକ୍ଷ କହିଛନ୍ତି-&ldquo;ଆଶା କର୍ମୀଙ୍କଠାରୁ ଫୋନ୍&zwnj; ପାଇବା ପରେ ନାରାୟଣପାଟଣାରେ ଆମ୍ବୁଲନ୍ସ ପାଇଁ ଯୋଗାଯୋଗ କରାଯାଇଥିଲା। ଯୋଗାଯୋଗ ନ ହେବାରୁ ବନ୍ଧୁଗାଁକୁ ଫୋନ୍&zwnj; କରାଯାଇଥିଲା। ପରେ ଆମ୍ବୁଲାନ୍ସ ୨୨ କି.ମି. ଦୂର ଅତିକ୍ରମ କରି ପୋଡ଼ପଦରରେ ପହଞ୍ଚିଥିଲା। ସେତେବେଳକୁ ଗର୍ଭବତୀଙ୍କ ପ୍ରସବ ହୋଇସାରିଥିଲା। ପରେ ଆମ୍ୱୁଲାନ୍ସ କର୍ମଚାରୀ ପ୍ରସୂତୀଙ୍କୁ ନେବା ପାଇଁ ଅନୁରୋଧ କରିଥିଲେ। ମାତ୍ର ପ୍ରସୂତୀଙ୍କ ପରିବାର ଲୋକେ ଗଣମାଧ୍ୟକୁ ଅପେକ୍ଷା କରିଥିଲେ। ୧୦ ମିନିଟ୍&zwnj; ବିଳମ୍ୱରେ ଗଣମାଧ୍ୟମ ପ୍ରତିନିଧିମାନେ ଘଟଣାସ୍ଥଳରେ ପହଞ୍ଚି ଫଟୋ ଉଠାଇବା ପରେ ଆମ୍ୱୁଲାନ୍ସ କର୍ମକର୍ତ୍ତା ପ୍ରସୂତୀ ଓ ତାଙ୍କ ଛୁଆକୁ ଉଦ୍ଧାର କରି ନାରାୟଣପାଟଣା ଡାକ୍ତରଖାନାରେ ଭର୍ତ୍ତି କରିଥିଲେ।&rdquo;</p>