ଆମ୍ବୁଲାନ୍ସ ମିଳିଲାନି, ଟ୍ରଲିରେ ଗଲେ ରୋଗୀ, ମୃତଦେହ ବି ଫେରିଲା ଟ୍ରଲିରେ

<p>ସୋର: ପୁଣି ଶବକୁ ଅସମ୍ମାନ। ୧୦୮ ଆମ୍ବୁଲାନ୍ସ ନ ଆସିବାରୁ ଟ୍ରଲିରେ ଶବକୁ ଡାକ୍ତରଖାନା ନେଲେ ପରିବାର ଲୋକେ। ଏଭଳି ଅଭାବନୀୟ ଘଟଣା ଘଟିଛି ବାଲେଶ୍ୱର ଜିଲ୍ଲା ସିମୁଳିଆ ଥାନା ମଞ୍ଜୁରିପୁର ଗାଁରେ।</p> <p>ଘଟଣା ଅନୁସାରେ, ମଞ୍ଜୁରିପୁର ଗାଁର ବାଇଧର ବିନ୍ଧାଣୀ ପୋଖରୀରେ ଗାଧୋଇବା ବେଳେ ଗୋଡ଼ ଖସି ଯାଇ ପାଣିରେ ବୁଡି ଯାଇଥିଲେ। ଗ୍ରାମବାସୀ ତାଙ୍କୁ ପୋଖରୀରୁ ଉଦ୍ଧାର କରି ୧୦୮ ଆମ୍ବୁଲାନସକୁ ଫୋନ କରିଥିଲେ। ତେବେ ଆମ୍ବୁଲାନସ ଉପଲବ୍ଧ &nbsp;ନାହିଁ ବୋଲି ସେମାନଙ୍କୁ କୁହାଯାଇଥିଲା। ଏହା ପରେ ବାଧ୍ୟ ହୋଇ ପରିବାର ଲୋକେ ଗ୍ରାମବାସୀଙ୍କ ସହାୟତାରେ ବାଇଧରଙ୍କୁ ଏକ ଠେଲାଗାଡ଼ିରେ ସିମୁଳିଆ ଡାକ୍ତରଖାନାକୁ ନେଇଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଏହାପରେ ଶବ&zwj;ବ୍ୟବଚ୍ଛେଦ ପାଇଁ ମୃତଦେହ ନେବାକୁ ମଧ୍ୟ ଆମ୍ବୁଲାନ୍ସ ନ ମିଳିବାରୁ ପୁଣି ଠେଲାଗାଡ଼ିରେ ଶବକୁ ନେଇଥିଲେ। ଏନେଇ ସିମୁଳିଆ ଥାନାରେ ଏକ ଅପମୃତ୍ୟୁ ମାମଲା ରୁଜୁ କରାଯାଇଛି।</p> <p>&amp;nbsp;</p> <p>&amp;nbsp;</p> <p>&amp;nbsp;</p>