ତୋଷାଳି ମେଳାରେ ଆକର୍ଷିତ କରୁଛି ବେତ ପର୍ସ

<p>ଭୁବନେଶ୍ୱର(ବିଶ୍ୱବନ୍ଦିତା/ଚିନ୍ମୟୀ): ପୁଅ ହେଉ କିମ୍ବା ଝିଅ ପର୍ସର ଆବଶ୍ୟକତା ସମସ୍ତଙ୍କର ରହିଛି। କିନ୍ତୁ ସୁନ୍ଦର ପର୍ସଟେ ରଖିବା ପାଇଁ ଝିଅମାନେ ବେଶି ଆଗ୍ରହୀ ଥାଆନ୍ତି। ସେଥିପାଇଁ ପର୍ସ କିଣିବା ପୂର୍ବରୁ ସେମାନେ ଟିକେ ଦ୍ୱନ୍ଦ୍ୱରେ ରୁହନ୍ତି ଓ ଅନେକ ଦୋକାନ ବୁଲନ୍ତି। କିନ୍ତୁ ଏବେ କିଛି ଦିନ ପାଇଁ ଏହି ସମସ୍ୟା ନାହିଁ। ବିଶେଷ କରି ଯେଉଁମାନେ ଭୁବନେଶ୍ୱରରେ ରହୁଛନ୍ତି। କାରଣ ତୋଷାଳି ମେଳାରେ ବିକ୍ରି ହେଉଥିବା ବେତ ପର୍ସ ଝିଅମାନଙ୍କୁ ବେଶ୍ ଆକର୍ଷିତ କରୁଥିବା ଦେଖିବାକୁ ମିଳୁଛି। ସେମାନଙ୍କୁ ଆଉ କେଉଁଠିକୁ ଯାଇ ପର୍ସ ଖୋଜିବାକୁ ପଡୁନି।</p> <p>ଆସାମରୁ ଆସିଛି ଏହି ବେତରେ ତିଆରି ପର୍ସ, ଯାହା ଦେଖିବାକୁ ଖୁବ୍ ଆକର୍ଷଣୀୟ। ଦାମ୍ ବି ଅଧିକ ନୁହେଁ। ୫୦ ଟଙ୍କାରୁ ଆରମ୍ଭ କରି ୫୦୦ ଟଙ୍କା ପର୍ଯ୍ୟନ୍ତ ରହିଛି ଏଗୁଡ଼ିକର ଦାମ୍&zwnj;। ଦେଖିବାକୁ ଆକର୍ଷଣୀୟ ଓ ଦାମ୍ ବି କମ୍&zwnj; ଥିବାରୁ ଏହି ଦୋକାନରେ ଗ୍ରାହକ ମାନଙ୍କର ପ୍ରବଳ ଭିଡ଼ ଦେଖିବାକୁ ମିଳୁଛି।</p> <p>ରାଜ୍ୟ ହସ୍ତତନ୍ତ,ବୟନ ଓ ହସ୍ତଶିଳ୍ପ ବିଭାଗ ତରଫରୁ ଡିସେମ୍ବର ୧୫ ତାରିଖରୁ ଜନତା ମଇଦାନରେ ଚାଲିଛି ଦ୍ୱାଦଶ ତୋଷାଳି ଜାତୀୟ କ୍ରାଫ୍ଟସ୍&zwnj; ମେଳା। ଏଥିରେ ରାଜ୍ୟ ଏବଂ ରାଜ୍ୟ ବାହାରୁ ୩୫୦ରୁ ଊର୍ଦ୍ଧ୍ୱ କାରିଗର ଓ ବୁଣାକାର ଅଂଶଗ୍ରହଣ କରିଛନ୍ତି। ଓଡ଼ିଶା ସମେତ ୨୫ଟି ରାଜ୍ୟ ଏଥିରେ ଅଂଶଗ୍ରହଣ କରିଛି।</p> <p>ଏହି ମେଳା ଡିସେମ୍ବର ୨୭ ତାରିଖ ପର୍ଯ୍ୟନ୍ତ ଚାଲିବ।</p> <p>&amp;nbsp;</p>