ବଦଳିଲା ବିଜଡିର ଶତ୍ରୁ? ଦାମ କହିଲେ- କଂଗ୍ରେସ ସହ ହାତ ମିଳାଇଲେ ଚଳିବ, କିନ୍ତୁ ବିଜେପି ନୁହେଁ

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ୨୦୦୯ ମସିହାରୁ ଦେଶର ଦୁଇ ଜାତୀୟ ରାଜନୈତିକ ଦଳ କଂଗ୍ରେସ ଓ ବିଜେପିଠାରୁ ବିଜେଡି ସମ ଦୂରତା ବଜାୟ ରଖିଛି। ବିଜେପିକୁ ଛାଡ଼ି ଅନ୍ୟ କୌଣସି ଦଳ ଯଦି ବିଜେଡିକୁ ସହଯୋଗ କରିବାକୁ ଚାହେଁ, ତାହାହେଲେ ଆମେ ସେମାନଙ୍କୁ ଆନନ୍ଦର ସହକାରେ ଗ୍ରହଣ କରିବୁ। ଆଜି ଏପରି ଢ଼ଙ୍ଗରେ ବିଜେପିକୁ ସମାଲୋଚନା କରିଛନ୍ତି ବିଜେଡି ଉପସଭାପତି ଦାମୋଦର ରାଉତ।</p><p>ସେ କହିଛନ୍ତି-&ldquo;୩୦ ରାଜ୍ୟକୁ ନେଇ ଦେଶ ତିଆରି ହୋଇଛି। କେନ୍ଦ୍ରରେ ଯିଏ ଶାସନ ଦାୟିତ୍ୱରେ ରହିବେ ସେ ଦଳୀୟ ଭାବନା ଛାଡ଼ି ରାଷ୍ଟ୍ର ଭାବନା ନେଇ କାମ କରିବା କଥା। କିନ୍ତୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆସିଲା ଦିନଠାରୁ ଦଳୀୟ ଓ ଆଞ୍ଚଳିକ ଭାବନା ନେଇ କାମ କରୁଛନ୍ତି। ଯାହାକୁ ନେଇ ସମଗ୍ର ଭାରତବର୍ଷରେ ଅସ୍ୱଭାବିକ ପରିସ୍ଥିତି ସୃଷ୍ଟି ହୋଇଛି। କେନ୍ଦ୍ରୀୟ ଅଂଶଧରେ ରାଜ୍ୟରେ ଯଦି କୌଣସି ପ୍ରକଳ୍ପ ତିଆରି ହୁଏ, ତାହାହେଲେ ରାଜ୍ୟ ସରକାର କେନ୍ଦ୍ର ମନ୍ତ୍ରୀମାନଙ୍କୁ ଅତିଥି ଭାବେ ନିମନ୍ତ୍ରଣ କରନ୍ତି। କିନ୍ତୁ ଗତ ତିନି ବର୍ଷ ହେଲା ଦେଖାଦେଉଛି କେନ୍ଦ୍ରମନ୍ତ୍ରୀମାନେ ଆସି ପ୍ରକଳ୍ପ ଉଦ୍&zwnj;ଘାଟନ କରୁଛନ୍ତି। ମୁଖ୍ୟମନ୍ତ୍ରୀଙ୍କୁ ଅତିଥିଭାବେ ଡାକୁଛନ୍ତି। ମାତ୍ର ମୁଖ୍ୟମନ୍ତ୍ରୀ ସଭା ସ୍ଥଳରେ ପହଞ୍ଚିଲା ବେଳକୁ କେବଳ ବିଜେପି କର୍ମୀମାନଙ୍କୁ ଦେଖିବାକୁ ମିଳୁଛି। ସଭା ସ୍ଥଳକୁ ସାଧାରଣ ଲୋକଙ୍କୁ ଛାଡ଼ାଯାଉନି। ଏହା ଅତ୍ୟନ୍ତ ଅସ୍ୱଭାବିକ ଘଟଣା। ରାଜ୍ୟ ପ୍ରତି ଏକ ଅସମ୍ମାନ। ଦେଶରେ ଆଗରୁ କେବେ ଦେଖାଯାଇନଥିଲା। ନରେନ୍ଦ୍ର ମୋଦିଙ୍କ ପ୍ରଧାନମନ୍ତ୍ରୀଙ୍କ ସମୟରେ ଏକରି ଦେଖିବାକୁ ମିଳୁଛି।&rdquo;</p><p>ସେ ଅହୁରି କହିଛନ୍ତି-&ldquo;ଓଡ଼ିଶା ବିଧାନସଭାରେ ୧୧୭ ବିଧାୟକ ଥିବା ବେଳେ ବିଜେପିରୁ ମାତ୍ର ୧୦ ଜଣ ରହିଛନ୍ତି। ତେବେ ଆଗାମୀ ନିର୍ବାଚନରେ ସେହି ୧୦କୁ ୧୨୦ରୁ ଅଧିକ କରିବା ପାଇଁ ବିଜେପି ନେତାମାନେ ସ୍ୱପ୍ନ ଦେଖୁଛନ୍ତି। ବିଜେପିର ଏହି ସ୍ୱପ୍ନକୁ ଭାଙ୍ଗିବା ପାଇଁ ଯଦି ଅନ୍ୟ ରାଜନୈତିକ ଦଳ ଗୁଡ଼ିକ ଆମକ (ବିଜେଡି)କୁ ସହଯୋଗ କରନ୍ତି, ଆମେ ସେମାନଙ୍କୁ ସାଦରେ ଗ୍ରହଣ କରିବୁ।&rdquo;</p><p>ସେ କହିଛନ୍ତି-&ldquo;କଂଗ୍ରେସ ହେଉଛି ଏକ ଜାତୀୟ ଦଳ। ଧର୍ମ ନିରପେକ୍ଷତାକୁ ବିଶ୍ୱାସ କରେ।&nbsp; ମିଶ୍ର ଅର୍ଥନୀତି ହେଉଛି ତାହାର ଆଦର୍ଶ। ସାମ୍ପ୍ରଦାୟିକ ଦଳ ବିଜେପିକୁ ରୋକିବାକୁ ହେବ। ତେଣୁ କଂଗ୍ରେସ ସହ ମିଶି ବିଜେଡି ଲଢ଼ିବାରେ ବାଧା ନାହିଁ। ୧୪୭ ଆସନରେ କଂଗ୍ରେସ କେଉଁଠି ଜିତିବା ସମ୍ଭାବନା ଅଛି ପ୍ରକାଶ କରୁ। ନବୀନ ପଟ୍ଟନାୟକ ଏହାର ଚୂଡ଼ାନ୍ତ ନିଷ୍ପତ୍ତି ନେବେ।&rdquo;<br />[vc_video link=&quot;&quot; align=&quot;center&quot;]</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।