‘ନବୀନ ନିରବ କାହିଁକି?’

ଭୁବନେଶ୍ୱର: ବିଜେଡିର ନିର୍ବାଚନୀ ପାଣ୍ଠି ଅନିୟମିତତା ପ୍ରସଙ୍ଗରେ ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଟାର୍ଗେଟ କରିଛି ବିଜେପି। ଏ ପ୍ରସଙ୍ଗରେ ମୁଖ୍ୟମନ୍ତ୍ରୀଙ୍କ ନିରବତା ନେଇ ପ୍ରଶ୍ନ କରିଛି ଦଳ।

ଏକ ସାମ୍ବାଦିକ ସମ୍ମିଳନୀରେ ବିଜେପି ରାଜ୍ୟ ଉପ-ସଭାପତି ସମୀର ମହାନ୍ତି କହିଛନ୍ତି,“ ନିର୍ବାଚନ କମିଶନଙ୍କ ପାଖରେ ହୋଇଥିବା ସତ୍ୟପାଠ ମଧ୍ୟରୁ କେଉଁଟା ଠିକ୍‌? ୧୫.୫.୨୦୧୪ରେ ନବୀନ ପଟ୍ଟନାୟକ ବିଜେଡିର ବିଧାୟକ ଭାବେ ସତ୍ୟପାଠ ଦାଖଲ କରିଥିଲେ। ୨୭.୭.୨୦୧୪ରେ ବିଜେଡିର ସଭାପତି ଭାବେ ଆଉ ଏକ ସତ୍ୟପାଠ ଦାଖଲ କରିଥିଲେ। ଏବେ ସେ ସ୍ପଷ୍ଟ କରନ୍ତୁ କେଉଁ ସତ୍ୟପାଠଟି ଠିକ୍?”

ସେ ଆହୁରି କହିଛନ୍ତି,“ଏସ୍‌ବିଆଇର ସନ୍ଦିଗ୍ଧ ଆକାଉଣ୍ଟ ନମ୍ବର ୧୦୦୯୧୮୦୫୫୭୩ରୁ ବିଜେଡିର ଆକାଉଣ୍ଟ ନମ୍ବର ୧୦୦୯୧୭୫୫୨୪୬କୁ କେତେ ଅର୍ଥ ଆସିଛି ନବୀନ ତାହା ସ୍ପଷ୍ଟ କରନ୍ତୁ। ଏହା ସହିତ ଆକାଉଣ୍ଟ ନମ୍ବର ୧୦୦୯୧୭୫୫୨୪୬ର ଉତ୍ସ ସଂପର୍କରେ ମଧ୍ୟ ମୁଖ୍ୟମନ୍ତ୍ରୀ ସ୍ପଷ୍ଟ କରନ୍ତୁ।”

ସମୀର ମହାନ୍ତି କହିଛନ୍ତି,“ସତ୍ୟପାଠ ଭୁଲ୍ ହେଲେ ସଦସ୍ୟତା ରଦ୍ଦ ଓ ୩ ବର୍ଷ ନିର୍ବାଚନ ଲଢ଼ି ନ ପାରିବା ଡରରେ ମୁଖ୍ୟମନ୍ତ୍ରୀ ନିରବ ରହି ନାହାନ୍ତି ତ?”