ବେଆଇନ ଚିଙ୍ଗୁଡ଼ି ଚାଷ: ଚିଙ୍ଗୁଡି ପୋଖରୀରୁ କେମିତି ବାହାରୁଛି ବିଷାକ୍ତ କେମିକାଲ ଯୁକ୍ତ କଳାପାଣି, ଦେଖନ୍ତୁ ଭିଡିଓ

<p>ଭଦ୍ରକ(ଓଡ଼ିଶା ରିପୋର୍ଟର):ଭଦ୍ରକ ଚାନ୍ଦବାଲି ତହସିଲ ଅଞ୍ଚଳରେ ବେଆଇନ୍ ଚିଙ୍ଗୁଡି ଚାଷ କରି ମାଲାମାଲ ହେଉଛନ୍ତି ଚାଷୀ। &nbsp;ହେଲେ ଚିଙ୍ଗୁଡି ମାଫିଆଙ୍କ କାର୍ଯ୍ୟରେ ତ୍ରାହି ତ୍ରାହି ଡାକୁଛନ୍ତି ଲୋକେ। &nbsp;ପ୍ରଶାସନ ବି ସବୁ ଦେଖି ସବୁ ଜାଣି ସତେ ଯେମିତି ହାତ ଟେକି ଦେଇଛି । କେଉଁଠି ନଦୀକୁ ସୁଡଙ୍ଗ କରି ପାଣି ନେଉଛନ୍ତି ତ&rsquo; କେଉଁଠି ଚିଙ୍ଗୁଡି ପୋଖରୀରୁ ନିର୍ଗତ ବିଷାକ୍ତ ପାଣିକୁ ନଦୀକୁ ଛାଡୁଛନ୍ତି। &nbsp;ଭଦ୍ରକ ଜିଲ୍ଲା ଚାନ୍ଦବାଲି ଅଞ୍ଚଳରେ ଏମିତି ଘଟଣା ସ୍ଥାନୀୟ ଲୋକଙ୍କୁ ସମସ୍ୟାରେ ପକାଇଛି।</p> <p>ଚାନ୍ଦବାଲି ଅଞ୍ଚଳରେ ଥିବା ଚିଙ୍ଗୁଡି ପୋଖରୀରୁ &nbsp;ବାହାରୁଥିବା ବିଷାକ୍ତ କେମିକାଲ ଯୁକ୍ତ କଳା ପାଣିକୁ କେମିତି ନଦୀ ବନ୍ଧରେ ସୁଡଙ୍ଗ କରି ମନ୍ତେଇ ନଦୀକୁ ସିଧାସଳଖ ଛଡାଯାଉଛି ତାହା ଆପଣ ଖାଲି ଆଖିରେ ନଦେଖିଲେ ବିଶ୍ୱାସ କରିପାରିବେ ନାହିଁ। &nbsp;ନଦୀ ବନ୍ଧରେ ମୋଟା ପାଇପ୍ ପକାଇ ସୁଡଙ୍ଗ କରି ନଦୀରୁ ପାଣି ନିଆଯାଉଛି । ଭଦ୍ରକ ଜିଲ୍ଲା ଚରଦିଆ ପଞ୍ଚାୟତର ମନ୍ତେଇ ନଦୀକୂଳ ଅଞ୍ଚଳରେ ଏମିତି ବେଆଇନ୍ କାର୍ଯ୍ୟ ପ୍ରତିଦିନ ଚାଲିଛି । ହୁ ହୁ ହୋଇ ବଢିଚାଲିଛି ବେଆଇନ୍ ଚିଙ୍ଗୁଡି ଚାଷ। &nbsp;ମାଲାମାଲ ହେଉଛନ୍ତି ଚିଙ୍ଗୁଡ଼ି ଚାଷୀ। ହେଲେ ଏମିତି ବେଆଇନ୍ କାର୍ଯ୍ୟକରି ବିପଦକୁ ଡାକୁଛନ୍ତି ସାଧାରଣ ଜନତା। &nbsp;ଚିଙ୍ଗୁଡି ଚାଷ ଆରମ୍ଭରେ ନଦୀରେ ସୁଡଙ୍ଗ କରି ପାଣି ନେଉଛନ୍ତି। ହେଲେ ବର୍ଷା ଦିନ ଆସିଲେ ନଦୀ କୂଳ ଧସିଯାଉଛି। &nbsp;ଆଉ ମନ୍ତେଇ ନଦୀକୂଳିଆ ୭୫ରୁ ଅଧିକ ଗାଁ ପାଇଁବିପଦ ଘନେଇ ଆସୁଛି।</p> <p>ପ୍ରତିଦିନ ପ୍ରଶାସନ ଆଖିରେ ଆଙ୍ଗୁଠି ଗେଞ୍ଜି ଚିଙ୍ଗୁଡି ମାଫିଆମାନେ ଏଭଳି ବେଆଇନ କାର୍ଯ୍ୟ ଚଳାଉଥିବା ବେଳେ ଜଳସମ୍ପଦ ବିଭାଗ ସତେ ଯେମିତି ହାତ ଟେକି ଦେଇଛି । ତହସିଲଠାରୁ ଜିଲ୍ଲା ପ୍ରଶାସନ ପାଖରେ ଅନେକଥର ଅଭିଯୋଗ ହୋଇଥିଲେ ବି କିଛି ସୁଫଳ ମିଳୁନି । ଏହାକୁ ନେଇ ପରିବେଶବିତ୍ ମଧ୍ୟ ଅସନ୍ତୋଷ ପ୍ରକାଶ କରିଛନ୍ତି। &nbsp;ଅନ୍ୟପଟେ ଜିଲ୍ଲାପାଳ କେବଳ ଧମର୍କକୁ ଆଖିଠାର ଭଳି କହିଛନ୍ତି, ବେଆଇନ୍ କାର୍ଯ୍ୟ ଯିଏ କରୁଥିବ, ତାଙ୍କ ବିରୋଧରେ କର୍ଯ୍ୟାନୁଷ୍ଠାନ ନିଆଯିବ। ବେଳ ଥାଉ ଥାଉ ପଦକ୍ଷେପ ନିଆ ନ ଗଲେ, ଏ ଅଞ୍ଚଳରେ ନଦୀ ପ୍ରଦୂଷିତ ହେବା ସହିତ ଭବିଷ୍ୟତରେ ଏକ ଭୟଙ୍କର ବିପତ୍ତିକୁ ଏଡାଇ ଦିଆଯାଇ ନପାରେ।</p>