ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p><strong>କଟକ</strong><strong>:</strong> କଲେଜ ପରିସରରେ ଜଣେ ଛାତ୍ରଙ୍କୁ ରାଗିଂ କରିବାର ଦୃଶ୍ୟ। ସିନିୟର ଛାତ୍ରମାନେ ଜଣେ ଛାତ୍ରଙ୍କୁ ଆଣ୍ଠେଇ ଦେଇ ଗୋଇଠା ମାରୁଛନ୍ତି। ଏଭଳି ଅମାନବୀୟ ଘଟଣା ରାଜ୍ୟର ଏକ ପ୍ରତିଷ୍ଠିତ ବିଶ୍ୱବିଦ୍ୟାଳୟ ରେଭେନ୍ସାରେ ଘଟିଛି। ଏହି ଭିଡିଓ ସୋସିଆଲ ମିଡ଼ିଆରେ ଭାଇରାଲ ହେବା ପରେ ରାଗିଂର ଶିକାର ହୋଇଥିବା ଛାତ୍ର ଜଣକ ମୁହଁ ଖୋଲିଛନ୍ତି।</p> <p>ଓଟିଭିକୁ ଦେଇ ସ୍ୱତନ୍ତ୍ର ସାକ୍ଷାତକାରରେ ଛାତ୍ର ଜଣକ କହିଛନ୍ତି- “ଆଜି ଦିନ ସାଢ଼େ ୧୨ଟାରେ ଘଟିଛି ଏମିତି ଘଟଣା। ମୁଁ ମେରିଟ୍‌ ଲିଷ୍ଟ ଦେଖି ଫରୁଥିବା ବେଳେ କେତେକ ଛାତ୍ର ମୋତେ ଲଳିତଗିରି ହଷ୍ଟେଲକୁ ଘୋଷାଡି ନେଇ ପିଟିଥିଲେ। ୨୦୧୫ରେ ରେଭେନ୍ସାରେ ଯୁକ୍ତ ଦୁଇ ପଢ଼ୁଥିବା ବେଳେ ସେହି ପିଲାମାନେ ମୋତେ ରାଗିଂ କରିଥିଲେ। ଅଭିଯୋଗ ପରେ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିଲା। ସେମାନେ ସେହି ରାଗରେ ଆଜି ମୋତେ ଉଠାଇ ପ୍ରବଳ ପିଟିଲେ। ଏନେଇ ମୁଁ ମାଲଗୋଦାମ ଥାନାରେ ଅଭିଯୋଗ କରିଛି।”</p> <p>ଏନେଇ ରେଭେନ୍ସା କୁଳପତି ପ୍ରକାଶ ଷଡଙ୍ଗୀ କହିଛନ୍ତି-“ଭାଇରାଲ ହୋଇଥିବା ଭିଡିଓକୁ ଏଯାବତ ଦେଖିନାହିଁ। ଏହା ରାଗିଂ ନୁହେଁ, ଛାତ୍ର ଗୋଷ୍ଠୀ ମଧ୍ୟରେ ଗଣ୍ଡଗୋଳ ହୋଇପାରେ। ଘଟଣା ସ୍ଥଳଟି ରେଭେନ୍ସାର କି ନୁହେଁ ସ୍ପଷ୍ଟ ହୋଇନି। ରାଗିଂ ନେଇ ଅଭିଯୋଗ ଆସିଲେ, କାର୍ଯ୍ୟାନୁଷ୍ଠାନ ହେବ।”</p> <p>କଟକ ଡିସିପି ଅଖିଳେଶ୍ବର ସିଂହ କହିଲେ- “ଅଭିଯୋଗକୁ ଭିତ୍ତି କରି ପୋଲିସ ମାମଲା ରୁଜୁ କରିଛି। ନିର୍ଯାତନାର ଶିକାର ହୋଇଥିବା ଛାତ୍ରଙ୍କ ବୟାନ୍‌ ରେକର୍ଡ଼ କରାଯିବ।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
