ଶ୍ଳୋକ ଓ ଜାତୀୟ ସଙ୍ଗୀତକୁ ନିଜ ମୋବାଇଲ୍‌ରେ ରିଂ-ଟୋନ୍ ରଖିଛନ୍ତି କି? ତେବେ ସାବଧାନ !

ଭୁବନେଶ୍ୱର (ଓଡ଼ିଶା ରିପୋର୍ଟର): ଆମ ଦେଶ ଏବେ ଡିଜିଟାଲ ଆଡକୁ ମୁହାଁଇଛି। ମୋବାଇଲ୍ ଫେ।ନ୍ ମଣିଷର ସମସ୍ତ ଆବଶ୍ୟକତା ପୂରଣ କରିବାରେ ସକ୍ଷମ ହେବାରେ ଲାଗିଛି। ତେଣୁ ପିଲାଠୁ ବୁଢ଼ା ସମସ୍ତେ ମୋବାଇଲ ଫେ।ନ୍ ଉପରେ ନିର୍ଭରଶୀଳ। ଫେ।ନ୍‌କୁ କିଛି ସମୟ ନିଜ ପାଖରୁ ଦୂରେଇ ଦେଲେ ବ୍ୟତିବ୍ୟସ୍ତ ଲାଗୁଛି। ତେଣୁ ସକାଳୁ ଉଠିବାଠାରୁ ରାତିରେ ଶୋଇବା ପର୍ଯ୍ୟନ୍ତ ମୋବାଇଲ ଫେ।ନ୍ ଆମ ପାଖରେ ସବୁବେଳେ ଥାଏ। ଏମିତିକି ଦେଖାଯାଏ ଶୋଇବା ସମୟରେ ଆମେ ଫେ।ନ୍‌କୁ ମୁଣ୍ଡ ପାଖରେ ରଖି ଶୋଇଥାଉ, କିନ୍ତୁ ଏମିତି କରିବା ଅନୁଚିତ୍। କାରଣ ମୋବାଇଲରୁ ବାହାରୁଥିବା ସୁକ୍ଷ୍ମ ତରଙ୍ଗ ଶରୀର ପାଇଁ କ୍ଷତିକାରକ ହୋଇଥାଏ। ତେଣୁ ବିଶେଷଜ୍ଞଙ୍କ କହିବା ଅନୁଯାୟୀ ଶୋଇବା ବେଳେ ମୋବାଇଲକୁ ମୁଣ୍ଡ ପାଖରୁ ୩ ହାତ ଦୂରରେ ରଖି ଶୁଅନ୍ତୁ। ଏ ସବୁ ତ ଟେକ୍ନିକାଲ୍ କଥା, ଆଉକିଛି ସଉକିଆ ଲୋକ ଅଛନ୍ତି, ଯେଉଁମାନେ ମୋବାଇଲ୍ ୱାଲ୍ପେପର ଓ ରିଂ-ଟୋନ୍ ନୂଆ ନୂଆ ସେଟ୍ କରନ୍ତି ନହେଲେ ଦୈନିକ ପରିବର୍ତ୍ତନ କରନ୍ତି। କିଛି ଲୋକ ଆଧୁନିକ ଗୀତ ମୋବାଇଲ୍ ରିଂ ଟୋନ୍ ରଖିବାକୁ ଚହୁଁଥିଲା ବେଳେ ଆଉ କିଛି ଧାର୍ମିକ ମନବୃତ୍ତିର ଲୋକ ଭଜନ ବା ଶ୍ଳୋକ ରଖୁଛନ୍ତି। କିନ୍ତୁ ପଣ୍ଡିତମାନଙ୍କ ମତ ଅଲଗା।

ଶ୍ଳୋକ: କିଛି ଶ୍ଳୋକପ୍ରେମୀ ବ୍ୟକ୍ତି ଥାଆନ୍ତି ଯେଉଁମାନେ ମୋବାଇଲ ରିଂ ଟୋନ୍‌ରେ ଶ୍ଳୋକ ରଖିବାକୁ ଭଲ ପାଆନ୍ତି। କିନ୍ତୁ ଶାସ୍ତ୍ରବିତ୍‌ଙ୍କ ମତରେ ଏପରି କରିବା ଅନୁଚିତ୍। ସେମାନଙ୍କ କହିବା ଅନୁଯାୟୀ, କେହି ଆପଣଙ୍କୁ ଫେ।ନ୍ କଲେ ଆପଣଙ୍କ ମୋବାଇଲ୍ ରିଂ ହେବ। ଅର୍ଥାତ ଆପଣ ରିଂ ଟୋନ୍‌ରେ ରଖିଥିବା ଶ୍ଳୋକଟି ଉଚ୍ଚାରଣ ହେବ। ତା ପରେ ଆପଣଙ୍କୁ ଆସିଥିବା କଲ୍ ଟି ଆଟେନ୍ କରିବାକୁ ପଡିବ। ତେଣୁ ଆପଣ ଶ୍ଳୋକ ବାଜୁଥିବା ମଝିରୁ ହିଁ ଫେ।ନ୍ ଉଠାଇବେ। ଅର୍ଥାତ ଶ୍ଳୋକଟି ମଝିରୁ ହଠାତ୍ ବନ୍ଦ ହୋଇଗଲା। ପଣ୍ଡିତମାନଙ୍କ କହିବା ଅନୁଯାୟୀ, ଏହାଦ୍ବାରା ଶ୍ଳୋକଟି ଖଣ୍ଡନ ହେଲା। କୌଣସି ଶ୍ଳୋକର ଅର୍ଥ ହେଲା, ନିର୍ଦ୍ଦିଷ୍ଟ ଦେବତାଙ୍କୁ ନିବେଦନ କରି ତାହା ଲେଖା ଯାଇଥାଏ। ତେଣୁ ଏହାକୁ ଗାନ କରାଗଲା ମାନେ ସେହି ନିର୍ଦ୍ଦିଷ୍ଟ ଦେବତାଙ୍କୁ ଆପଣ ସ୍ମରଣ କଲେ ଓ ତାଙ୍କ ଦୃଷ୍ଟି ଆକର୍ଷଣ କଲେ। କିନ୍ତୁ ହଠାତ୍ ଆପଣ କଣ କଲେ ନା, ଶ୍ଳୋକଟିକୁ ମଝିରୁ ବନ୍ଦ କରି ତାଙ୍କୁ ଅସମ୍ମାନ କଲେ। ଧାର୍ମିକ ଭାବରେ ଦେଖିଲେ ଏହା ଏକପ୍ରକାର ପାପ ବୋଲି ବିବେଚନା କରାଯାଏ।

ଜାତୀୟ ସଂଗୀତ: ସେହିପରି ଜାତୀୟ ସଙ୍ଗୀତ ଜନ ଗଣ ମନ..କୁ ମଧ୍ୟ ରିଂ ଟୋନ୍ ରଖାଯିବା ଅନୁଚିତ। କାରଣ ଏହାକୁ ଆପଣ ମଝିରୁ ବନ୍ଦ କରିବା ଦ୍ବାରା ଜାତୀୟ ସଂଗୀତ ତଥା ସଂପୃକ୍ତ ଦେଶ ପ୍ରତି ଅବମାନନା ବୋଲି ବିବେଚନା କରାଯାଇଥାଏ। ଖାଲି ସେତିକି ନୁହେଁ, ଜାତୀୟ ସଂଗୀତ ଗାନ ହେବାର ନିର୍ଦ୍ଦିଷ୍ଟ ବିଧି ରହିଛି। ସଙ୍ଗୀତର ଅବଧିକୁ ନେଇ ସମ୍ବିଧାନରେ ନିୟମ ରହିଛି। ସେହିପରି ଜାତୀୟ ସଙ୍ଗୀତ କେଉଁ ଜାଗାରେ ଗାନ ହେବ, କେତେ ସମୟ ଗାନ ହେବ, ଗାନ ହେଲେ ଆମକୁ କଣ କରିବାକୁ ପଡ଼ିବ ତାହା ନିର୍ଦ୍ଦିଷ୍ଟ ଭାବରେ ଲିପିବଦ୍ଧ ହୋଇ ରହିଛି। କିନ୍ତୁ ମୋବାଇଲ୍ ରିଂ ଟୋନ୍ ରଖିଲେ ଏ ସମସ୍ତ ନିୟମ ବିପଦ ଭିତରକୁ ଚାଲିଯିବ। ସ୍ଥାନ କାଳ ପାତ୍ର ଭୁଲିଯାଇ ଆମେ ଫେ।ନ୍ ଆଟେନ୍ କଲାବେଳେ ଜାତୀୟ ସଙ୍ଗୀତ ପ୍ରତି ଅବମାନନା ହେବ। ତେଣୁ ନିଜ ଫେ।ନ୍ର ରିଂ ଟୋନ୍ ରଖିବାକୁ ଯାଉଥିବା ବେଳେ ଦୟାକରି ଟିକେ ନିଜର ବୁଦ୍ଧି ଖଟାନ୍ତୁ। ବାସ୍ତବରେ ଶ୍ଳୋକ ଓ ଜାତୀୟ ସଂଗୀତ ରିଂ ଟୋନ୍ ରଖିଲେ କଣ ହେବ ତାହା ନିର୍ଦ୍ଦିଷ୍ଟ ଭାବରେ କେହି କହି ନପାରନ୍ତି, କିନ୍ତୁ ଯଦି ଏହାଦ୍ବାରା କାହାର ଅସମ୍ମାନ ହେଉଛି ତେବେ ସେପରି ରିଂ ଟୋନ୍ କାହିଁକି ରଖିବା।