ସାରା ରାଜ୍ୟରେ ହର୍ଷୋଲ୍ଲାସର ସହ ଇଦ୍‌ ପାଳିତ

<p>ଭୁବନେଶ୍ୱର: ଆଜି ଥିଲା ଇସଲାମ୍ ଧର୍ମାବଲମ୍ବୀଙ୍କ ପବିତ୍ର ଇଦ୍-ଉଲ୍-ଫିତର। ଦାନ, ଧର୍ମ ଓ ଉତ୍ସବ ପାଳନର ପର୍ବ ହେଉଛି ଇଦ୍। ଭକ୍ତି ଓ ଶ୍ରଦ୍ଧା ଭାବର ସହ ସାରା ରାଜ୍ୟରେ ଇସଲାମ୍ ଧର୍ମାବଲମ୍ବୀ ଏହି ପର୍ବ ପାଳନ କରିଛନ୍ତି। ଏହି ଅବସରରେ ସମୂହ ନମାଜ ପାଠ ବି କରାଯାଇଛି।</p> <p>[vc_video link=&quot;&quot; align=&quot;center&quot;]</p> <p>ସାରା ଦେଶରେ ଇଦ୍&zwnj;ର ମାହୋଲ୍। ଓଡ଼ିଶାର ବିଭିନ୍ନ ସ୍ଥାନରେ ମଧ୍ୟ ହର୍ଷୋଲ୍ଲାସର ସହ ପାଳିତ ହୋଇଛି ଇଦ୍। ରାଜଧାନୀ ଭୁବନେଶ୍ୱରରେ ନୂଆ ପୋଷାକ ପିନ୍ଧି ପରସ୍ପରକୁ ଇଦ୍ ସୁବେଚ୍ଛା ଜଣାଇଥିଲେ। କଟକ ସହରର ୩୦ରୁ ଅଧିକ ମସଜିଦ ଏବଂ ପ୍ରାର୍ଥନାସ୍ଥଳରେ ଇଦ୍ ପାଳନ ସହ ଘରେ ସ୍ୱାଦିଷ୍ଟ ବ୍ୟଞ୍ଜନ କରି ପ୍ରିୟ ପରିଜନଙ୍କୁ ଦାୱତ୍ ପାଇଁ ଲୋକେ ଡାକିଥିଲେ।</p> <p>ଭଦ୍ରକରେ ବି ଆନନ୍ଦର ସହ ପାଳନ ହୋଇଛି ଇଦ୍। କୁଆଁସ ଇଦ୍&zwnj;ଗାହ ପଡିଆ ଓ ବିଭିନ୍ନ ମସଜିଦରେ ପ୍ରାୟ ୧୦ ହଜାର ମୁସଲମାନ ଧର୍ମାବଲମ୍ବୀ ସମୂହ ପ୍ରାର୍ଥନାରେ ସାମିଲ ହୋଇଥିଲେ। ସେହିପରି ଯାଜପୁରରେ ମଧ୍ୟ ଛୋଟ ପିଲାଙ୍କ ଠାରୁ ବୟସ୍କମାନେ ଇଦ୍ ପାଳି ଆଲ୍ଲାଙ୍କ କୃପାଭିକ୍ଷା କରିଥିଲେ। ରାଉରକେଲାରେ ଏହି ପର୍ବକୁ ଉତ୍ସାହର ସହ ପାଳନ କରାଯାଇଛି।</p> <p>ଇଦ୍ ପୂର୍ବରୁ ମାସେ କାଳ ନିଷ୍ଠାର ସହ ରୋଜା ରଖିଥିଲେ ମୁସଲମାନ ଭାଇଭଉଣୀ। ଗତକାଲି ସଂଧ୍ୟାରେ ଚାନ୍ଦ ଦର୍ଶନ ପରେ ଆଜି ପାଳିତ ହୋଇଛି ଇଦ୍।</p>