ହାତୀ ସହ ଖଚଡାମି : ବଣ ଭିତରେ ଗୋଡ଼ାଗୋଡ଼ି, ଦେଖନ୍ତୁ ଭିଡ଼ିଓ

<p>ଆଠଗଡ଼ (ଓଡ଼ିଶା ରିପୋର୍ଟର): ଆଜି ଯୁବ ପିଢ଼ି କିଛି ଶିଖିବା ମୁଡ୍&zwnj;ରେ ନାହାଁନ୍ତି। ଜାଣିଶୁଣି ବିପଦକୁ ଆମନ୍ତ୍ରଣ କରୁଛନ୍ତି। ହାତୀ ସହିତ ଖେଳିବାକୁ ଚେଷ୍ଟା କରୁଛି। କିଛି ଦିନ ତଳେ ହାତୀ ସହିତ ସେଲ୍&zwnj;ଫି ଉଠାଇବାକୁ ଉଦ୍ୟମ କରୁଥିବା ବେଳେ ଜଣେ ଲୋକର ଜୀବନ ଯାଇଥିଲା। ଆଜି ପୁଣି ସେମିତି ଦୃଶ୍ୟ ଦେଖିବାକୁ ମିଳିଛି ଆଠଗଡ଼ରେ।</p> <p>ଜଙ୍ଗଲରୁ ଚାଲି ଆସିଥିବା ଗୋଟିଏ ହାତୀ ଆଠଗଡ଼ ଅଞ୍ଚଳରେ ଘୂରି ବୁଲୁଥିଲା। ଏ ସମ୍ପର୍କରେ ସ୍ଥାନୀୟ ଲୋକେ ଜାଣିପାରି ହାତୀର ଅତି ନିକଟକୁ ଯାଇ ଘଉଡାଉଥିଲେ। ମାତ୍ର ହାତୀଟି ଶୁଣ୍ଢ ହଲାଇ ଲୋକଙ୍କୁ ଘଉଡାଉଛି। ଲୋକେ ଜୀବନ ବିକଳରେ ଦୌଡ଼ୁଥିବା ଦେଖିବାକୁ ମିଳିଛି।</p> <p>ସେପ୍ଟେମ୍ୱର ୨ ତାରିଖରେ ଗୋଟିଏ ହାତୀ ରାଉରକେଲା ନିର୍ବାଚନମଣ୍ଡଳୀ ଅନ୍ତର୍ଗତ ମାଣ୍ଡିଆକୁଦ ଗାଁରେ ପଶି ଯାଇଥିଲା। ଏ ସମ୍ପର୍କରେ ବନ ବିଭାଗ କର୍ମଚାରୀମାନେ ଜାଣିପାରି ଗାଁ ଲୋକଙ୍କ ସହାୟତାରେ ହାତୀଟିକୁ ଘଉଡାଇ ଥିଲେ। ଏହି ସମୟରେ ଅଶୋକ ଭାରତୀ ନାମକ ଜଣେ ଯୁବକ ହାତୀର ନିକଟକୁ ଯାଇ ସେଲ୍&zwnj;ଫି ନେଉ ଥିଲେ। ହାତୀଟି ତାଙ୍କୁ ଶୁଣ୍ଢରେ ଟାଣି ନେଇ କଚାଡ଼ି ଦେଇଥିଲା। ଘଟଣା ସ୍ଥଳରେ ତାଙ୍କର ମୁତ୍ୟୁ ହୋଇଥିଲା। ଏହାକୁ ନେଇ ଗାଁରେ ଉତ୍ତେଜନା ପ୍ରକାଶ ପାଇଥିଲା।</p>