କଲ୍ୟାଣସିଂହପୁରରେ ବର୍ଷା ବିପତ୍ତି: ନାଗାବଳୀ ଓ କଲ୍ୟାଣୀ ନଦୀରେ ବନ୍ୟା, ଘର ଭିତରେ ୫ ଫୁଟ୍‌ ପାଣି

<p>କଲ୍ୟାଣସିଂହପୁର:</p> <p>ରାୟଗଡ଼ା ଜିଲ୍ଲା କଲ୍ୟାଣସିଂହପୁର ବ୍ଲକରେ ବନ୍ୟା ସ୍ଥିତି ଗମ୍ଭୀର ରହିଛି। ନାଗାବଳି ଓ କଲ୍ୟାଣୀ ନଦୀରେ ଆସିଥିବା ବନ୍ୟା ଯୋଗୁଁ ବ୍ଲକର &nbsp;ପ୍ରାୟ ୭୦ ପ୍ରତିଶତ ଅଞ୍ଚଳ ବାହ୍ୟଜଗତରୁ ବିଚ୍ଛିନ୍ନ ହୋଇପଡ଼ିଛି। ଉଦ୍ଧାର ଓ ରିଲିଫ୍ କାର୍ଯ୍ୟରେ ୪ଟି ହେଲିକପ୍ଟର ସହ ଓଡ୍ରାଫ୍, ଅଗ୍ନିଶମ ଓ ସିଆରପିଏଫ୍&zwnj; ଟିମ୍ ବି ନିୟୋଜିତ ହୋଇଛନ୍ତି। ଖୋଦ୍ ମୁଖ୍ୟମନ୍ତ୍ରୀ ବନ୍ୟା ପରିସ୍ଥିତିର ସମୀକ୍ଷା କରି ଯୁଦ୍ଧକାଳୀନ ଭିତ୍ତିରେ ରିଲିଫ୍ ଓ ଉଦ୍ଧାର କାର୍ଯ୍ୟ ତ୍ୱରାନ୍ୱିତ କରିବାକୁ ନିର୍ଦ୍ଦେଶ ଦେଇଛନ୍ତି।</p> <p>ନାଗାବଳି ଓ କଲ୍ୟାଣୀ ନଦୀରେ ଅଚାନକ୍ ବନ୍ୟା ଆସିବା ପରେ ଯେଉଁ ଆଡ଼େ ଦେଖିବେ ପାଣି ଆଉ ପାଣି। ପାଣି ଘେରରେ ବ୍ଲକର ପ୍ରାୟ ୭୦ ପ୍ରତିଶତ ଅଞ୍ଚଳ। ପ୍ରଭାବିତ ହୋଇଛନ୍ତି ପ୍ରାୟ ୭ ହଜାର ଲୋକ। ବିଲୁଣ୍ଡା, ବାଲିପଦର, ମାଝିଗୁଡ଼ା, କୁମ୍ଭାରୀଗୁଡା ଆଦି ଅଞ୍ଚଳରେ ବନ୍ୟା ପାଣି ପଶିଯାଇଛି। କଲ୍ୟାଣସିଂହପୁର ସଦର ମହକୁମା ବି ଜଳବନ୍ଦୀ। ଅଧିକାଂଶ ଅଞ୍ଚଳରେ ପାଣି ପଶିବା ପରେ ଲୋକେ ତହସିଲ ଅଫିସ୍&zwnj;ରେ ଆଶ୍ରୟ ନେଇଛନ୍ତି। ରାୟଗଡ଼ା ବ୍ଲକର କଟାପେଟା ଗାଁରେ ନାଗାବଳିର ବନ୍ୟା ପାଣି ପଶିବା ପରେ ଆସବାବପତ୍ର ଧରି ସୁରକ୍ଷିତ ସ୍ଥାନକୁ ଚାଲିଯାଇଛନ୍ତି ସ୍ଥାନୀୟ ବାସିନ୍ଦା। ଗୁଡ଼ାରୀ ବ୍ଲକର ବାଇନାଗୁଡ଼ାର କରାନାଳ ସେତୁ ଦବି ଯିବାରୁ ଏଠାରେ ଯାତାୟତ ପ୍ରଭାବିତ ହୋଇଛି।</p> <p>ସରକାରୀ ସୂଚନା ଅନୁସାରେ ଫ୍ଲାସ୍ ଫ୍ଲେଡରେ ୩ଟି ପୋଲ କ୍ଷତିଗ୍ରସ୍ତ ହୋଇଛି। ଥେରୁବାଲି-ରାୟଗଡ଼ା ରୁଟ୍&zwnj;ର କାର୍ତ୍ତିକାଗୁଡା ନିକଟରେ ରେଲେୱେ ବ୍ରିଜ୍ ଭାଙ୍ଗି ଯିବା ଫଳରେ ଡାଉନ୍ ଲାଇନ୍&zwnj;ରେ ଟ୍ରେନ୍ ଚଳାଚଳ ପ୍ରଭାବିତ ହୋଇଛି। ସେହିପରି କଲ୍ୟାଣସିଂପୁର-ରାୟଗଡ଼ା ଓ କଲ୍ୟାଣସିଂପୁର-ଭବାନୀପାଟଣା ମଧ୍ୟରେ ଯୋଗାଯୋଗ ବିଛିନ୍ନ ହୋଇଯାଇଛି।</p> <p>ପ୍ରଭାବିତ ଅଞ୍ଚଳରେ ସରକାରୀ ଅଧିକାରୀଙ୍କ ଛୁଟି ବାତିଲ୍ କରାଯାଇଥିବା ବେଳେ ଆସନ୍ତା&nbsp; ୩ ଦିନ ଶିକ୍ଷାନୁଷ୍ଠାନ ବନ୍ଦ ରହିବ ବୋଲି ଘୋଷଣା କରାଯାଇଛି।</p>